جدل كبير اثارته الفنانة المصرية منة_عرفة، وزوجها الممثل الصاعد محمود المهدي، بإعلانهما خبر انفصالهما خلال الأيام الماضية، ثم عودتهما من جديد بشكل سريع!
قبل العودة، كان المهدي نشر صورة “بطيخة” وعلق ساخراً: (الزواج يا حمرا يا قرعا)، مما اعتبره الكثيرون اهانة بالغة بحق منة.
كما أوضح أن سبب الانفصال هو أنه رجل شرقي لا يناسبه عمل منة عرفة وهناك أمور لا يمكن أن يقبلها، وبنفس الوقت عدم حدوثها قد يؤثر على فرص منة في تحقيق حلمها الفني، لافتا إلى أنه فضّل الانفصال عنها بدلًا من الوقوف أمام عملها.
بعد العودة، أوضح محمود كلامه وأكد إنه لم يقصد منة بمثال تشبيه الزواج بالبطيخ، كما اوضح سبب الخلاف بينهما وقال: (كنت قايل إني هوضحلكم الأسباب، موضوع رجل شرقي الناس بتتكلم من قفاها، تقريبا محدش فاهم حاجة كان في سوء تفاهم في مشهد من مسلسل 101 مع الفنان محمد نجاتي، وحد معين حب يوقع الدنيا ووصل الموضوع ليا غلط، وأنا طبعا كراجل رافض أي مشاهد تمس كرامتي كراجل زى ممثلات كتير بتعمل أدوار محترمة مش كله زي بعضه ومنة متفهمة الكلام ده ومحافظة على كرامتي وما يخصنيش أي حاجة قديمة يهمني وقت ما عرفت منة فقط).
وتابع محمود المهدي: (وبالنسبة لبوست البطيخ ده ما كنش لمنة كان لشخص من الماض داخل يبوظ العلاقة أرجوكم بطلوا تأليف).
كان محمود المهدي أعلن عودته لزوجته منة عرفة، وأعرب عن سعادته، من خلال منشور كتب فيه: الحمد لله، دائمًا ثقتي في ربنا كبيرة، وشكرًا لكل واحد اتمنى لينا الخير، ربنا يرده لك أضعاف، والعكس لكل واحد شمت، ربنا يرده لك أضعاف الأضعاف.
كما اعلنت منة الخبر واعربت عن غضبها من الشامتين، فقالت:
وكتبت: (من أصعب اللحظات الي ممكن تعدي على اي ست لحظة الانفصال وخراب البيت، الطلاق بيتهز له عرش الرحمن، لكن انتوا يمكن عشان بتسمعوا عن بيوت بتتخرب كل دقيقة فا بقى ابغض الحلال عن الله بنسبالكو نكتة او حاجة تتمسخروا عليها، رهان بتعملوه مع بعض على اننا مش هنكمل، أو مادة خام للشماتة فينا)
وأضافت: (خراب البيت عمره ما كان حاجة سهلة على الست او على الرجل او على اهالينا، في عز ضعفي وحزني وكسرتي اللي ربنا ما يكتبها على اي ست مرحمتونيش ولا قدرتوا اني في موقف لا احسد عليه وشمتانين فينا قد ايه انتوا ناس متعرفش ربنا ولا في في قلوبكم رحمه، اتمنوا الخير لبعض يا جماعة بلاش نشمت في بعض، لكن دي غلطتي اني شاركتكوا حياتي الشخصية)
اقرأ: أول تعليق لمنة عرفة بعد طلاقها
وتابعت: (الانسان بيغلط عشان يتعلم وانا اتعلمت، ربنا يعينكوا على نفسيتكوا الجحيم دي، وعسى ان تكرهوا شيئ وهو خيرًا لكم، يمكن الخلاف اللي حصل كشفلنا ناس كتير حوالينا كانوا بيمثلوا انهم فرحانين لينا بس الحقيقي انهم كانوا مستنيين أول مشكلة عشان يشمتوا في كسرتي وخراب بيتي)
وقالت في النهاية: “ربنا مش هينولهلكوا وربنا يخليلي اهلي وزوجي والناس اللي بتتمنالي الخير ووقفت جمبي، وكلمه أخيرة للسادة الصحفيين ارجوكوا كفاية بقى ارحونا حرام عليكم”.