حلت الفنانة المصرية زينة ضيفةً على برنامج (الحكاية)، مع المذيع المصري عمرو أديب عبر قناة (MBC مصر)، في أول لقاء إعلامي لها بعد غياب ١٠ سنوات عن الإعلام.

تحدثت زينة لأول مرة عن تفاصيل علاقتها بزوجها السابق الفنان المصري أحمد عز وقالت: (أنا ماتكلمتش خالص وماسمحتش إن حد يكلمني وعمري ما سمحت أن حد يكلمني في خصوصياتي، مشاكلي تخصني أنا).

وانهارت بالبكاء قائلة: (أنا تعبت وكان بيجي لي وقت من الزعل كنت بخاف أنام ماقومش عشان عندي ولاد فا بفضل صاحية مش بنام).

تابعت: (اتجوزنا في ١٥ يونيو ٢٠١٢ جواز عرفي بحفلة كبيرة في بيت اختي وجوز اختي وكنا مسافرين عشان نوثق الجواز في القنصلية برا، عشان يبقى جواز مدني عشان هو قرر أنه مش عايز حد يعرف، وأنا كنت بسمع الكلام أوي، هو كان متفق معايا اطلع اعلن اعتزالي، لكن انا كنت بقوله منا كده كده برفض كل الشغل، ومش بشتغل).

اضافت تروي تفاصيل الزواج: (قالي لا ماتجيش معايا القنصلية المصرية في أميركا، أنا هروح لوحدي القنصلية واعمله، وقالي انه عمل كده ووثق الجواز ورجعنا مصر وكنا عادي كويسيين، وهو مش وحش هو بني آدم كويس حج وعمل عمرة، والا ماكنتش هحبه ١٠ سنين).

وعلى عكس ما يتوقعه الجميع لم تهاجم زينة عز بل قالت: (انا المفروض اطلع اغلط فيه؟ لا مش هعمل كده انا ماقعدتش معاه من وقت اللي حصل وماعرفش عمل لية كده، ولادي قبل الحلقة قالوا لي ماتغلطيش فيه، وتجاهليه ignore him).

تابعت: (أحنا ماتفقناش على الخلفة، وماتكلمناش في الموضوع ده اساساً، كان في أول الحمل فرحان جداً، لكن بعد كده قالي طيب ما ننزل الحمل ونستنى شوية وبعدين قالي لا حرام انا ماعملش حاجة حرام، لكن انا كنت واخدة قرار اني ماعملش مشاكل عشان ده واحد بحبه، جت فكرة اني اخلف في امريكا منه).

عن تفاصيل انجابها لطفليها التوأمين من أحمد قالت: (حصل بينا اتفاق اني اعيش في امريكا بالولاد وهو يصرف عليا، وانا وافقت، وولدت في الشهر السابع وكانت حالتي صعبة، وقولتله لازم تيجي قالي عندي شغل وماجاش، ولما ولدت قالي مبروك يالا بقى نعمل DNA ودي كانت اول مرة اسمعها منه، وقالوا لي غلط انك تعمليه بس عملته عشان اخلص ومش عايزة مشاكل).

وصدمت الجميع حين قالت: (كل يوم كنت بصحى الاقي عيل منهم تعبان لانهم اتولدوا قبل معادهم، وكانوا محتاجين نقل دم وقولتلوا تعالى انقذهم قالي مش هما دول اللي فضلتيهم عليا؟ يارب ترجعي بيتك ايدك فاضية).

اختتمت كلامها: (في حاجة مهمة أوي أني مش أنا اللي رفعت قضية نسب هو اللي رفع الأول).

Copy URL to clipboard
30 سبتمبر 2020
11:00
آخر إحصاءات حالات كورونا في الوطن العربي
  إقرأ المزيد
29 سبتمبر 2020
15:41
حريق في شركة كهرباء لبنان
28 سبتمبر 2020
22:58
برلمانية فرنسية: ماكرون قد يتجه إلى تجميد حسابات شخصيات لبنانية في بنوك فرنسية إذا فشلت مساعيه للحل


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار