استمر رجل الأعمال المهندس نجيب ساويرس، في هجومه على الفنان هاني_شاكر نقيب المهن الموسيقية، بعد إصدار مجلس نقابة المهن الموسيقية قراراً بمنع 19 من مطربي المهرجانات من الغناء.

قال نجيب ساويرس في مداخلة هاتفية مع المذيع عمرو_أديب عبر برنامجه (الحكاية): «كل واحد حر يسمع اللي عايز يسمعه ومحدش يعمل ولي علينا، أحنا أحرار».

اقرأ: فيفي عبده وفيديو طريف مع القرد!

وأضاف: «إحساسي أن الموضوع فيه نفسنة وغيره، وأحنا أحرار نسمع اللي أحنا عاوزينه».

ورد نجيب ساويرس على تحديه لنقابة المهن الموسيقية في منح الغناء لمطربي المهرجانات في مهرجان الجونة المقبل، قائلًا: «أنا قد كلمتي وأنا هجيب مطربي المهرجانات وان عاكسني أنا هاعرف ارد برضه بالقانون».

وطالب ساويرس مطربي المهرجانات الممنوعين من الغناء بقرار نقابة المهن الموسيقية بالذهاب إلى محكمة القضاء الإداري«.

وعن دور نقابة المهن الموسيقية قال نجيب ساويرس «دور نقابة الموسيقين هو العلاج والمعاشات لكن محدش ادالك سلطة أنك تبقى قيم على أذواقنا في السمع يعني».

رد شاكر خلال مداخلة هاتفية مع أديب أيضاً قائلا: «نجيب بيقول إنه ما بيسمعش الأغاني اللي أنا بقدمها، وأنا بقوله ما يشرفنيش إنك تسمع الأغاني بتاعتي، اللي يسمع المهرجانات ما يشرفنيش إنهم يسمعوا أغانيا».

وأضاف نقيب الموسيقيين: «نجيب مش فاهم حاجة.. وما دام مش فاهم يبقى يسأل.. وهو بيقول إن مفيش حد بيسمعنى وأنا بقوله كنت تعالى شوف حفلتي في مهرجان الموسيقى العربية وانت تعرف كم ونوعية الجمهور اللي بيسمعني».

وتابع هاني شاكر: «أنا ما علقتش على الفضايح اللي حصلت في مهرجان الجونة، هو ليه بيتكلم في اللي مالوش فيه، زي مانا مش عاجبه هو برضه مش عاجبني».

استكمل: الأستاذ اللي اتكلم وقال نفسنة، أنا هتنفسن من حنجرة وكزبرة أتنفسن إزاي بأمارة إيه هو أي تلاقيح كلام على الناس، أي تقليل من قيمة الناس المحترمة في البلد، كل اللي عايز يقول كلمتين يقولهم؟ أنا لا أقبل هذا الكلام».

Copy URL to clipboard
21 يناير 2022
11:00
آخر إحصاءات حالات كورونا في الوطن العربي
  إقرأ المزيد


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار