عبرت الفنانة المصرية سحر رامي، عن اشتياقها الشديد لزوجها الفنان الراحل حسين الإمام.
قالت سحر خلال حوارها مع المذيعة انجي هشام في برنامج المنسي عبر قناة هي: (مفيش عندي وصف عايزة اقولك ساعات الولاد بيدخلوا عليا بيفتكروني مجنونة ولا حاجه بكلم نفسي بكون بكلمه يعني، مجنونة مش مجنونة بكلمه وباخد رأيه في الحياة، احنا كان عندنا كونتاكت كده مع بعض محدش بيفهمها غير أنا وهو، لو قولتها لحد هيبصلي الحاجات دي هو الوحيد اللي عارفها).
تابعت: (لما احب اعلق على أحداث أو أي حاجه بكلمه بقوله).
وكشفت عن الرسالة التي توجهها له دائما: (اللي دايما يقولو سبتنا ليه بس طبعا أنا مؤمنه ودي حاجه بتاعت ربنا لكن دائما بسال السؤال دا والتكتر انت فين وملهاش إجابة أنا عارفة لكن سؤال ٢٤ ساعه في دماغي انت فين ؟ انت في اي حته سيبتنا ليه، بحلم بيه وبقولوا في الحلم لما انت موجود سايبني ليه في الهم دا لكن مبيردش طبعا مش موجود).
كما تحدثت الفنانة سحر رامي عن علاقتها بالراحل حسن الامام: (فات ٩ سنين كل ما افتكر المدة ببقي مش مصدقة أنهم ٩ سنين قد اي العمر ببجري بسرعة اوي أما فاكرة كل حاجه كأنها امبارح).
كشفت حقيقة مقولة عدم نجاح زواج الفنانين: (احنا حالة وفي ناس كتير ناجحة. بس احنا عشان تحت الأضواء والفنانين عندهم حس مرهف لكن لما بتكون العلاقات مش وقتية ومش اتنين قابلوا بعض في فيلم أو مسلسل فحبو بعض وبعد المسلسل بيسيبوا بعض، حدوتي مش كده انا وحسين دماغنا مختلفة علشان كده كنا مستمرين مع بعض بس طبعا ربنا مش رايد).
وتحدثت عن عدم احتفالها بعيد ميلادها بعد رحيله: (خلاص الموضوع ده انا فاكرة بس التاريخ ده، لكن الموضوع انتهى).