شن المطرب الشعبي سعد_الصغير، هجوماً كبيراً على الفنانة المصرية بوسي، بسبب تغيبها عن حضور جنازة والدها الذي رحل عن عالمنا أمس.
قال سعد في تصريحاته: (أنا زعلان جدا من بوسي بجد مهما كان الأب، أنا أبويا وأنا صغير رماني ومكنش بيأكلني وخلاص بقيت سعد الصغير ومش حاجة لو اديته 1000 أو 2000 جنيه، هو كان نفسه أخر أيامه انها تسلم عليه في التليفون).
تابع: “انتي حرمتيه من الفرح وكل حاجة، وأخر كلمة باباها كان قايلها حسب الله ونعم الوكيل فيكي، مكنتيش هتخسري حاجة انتي معاكي ملايين”.
استكمل: “أما عملت الشقة لأبوها قولتلها أنا هقول انك انتي اللي عملتي الحاجات دي، بوسي حتى معزمتيش أي حد في فرحها مع انه ليهم فضل كبير عليها زي أحمد السبكي لكن إحنا بالنسبالها بيئة”.
اقرأ: والد بوسي يعلق على زواجها بدون دعوته!
كان محمد شعبان، والد المطربة المصرية بوسي، علق على احتفالها بزفافها منذ أشهر قليلة، على مصفف الشعر هشام رببع، دون أن توجه له دعوة حضور.
اعرب شعبان حينها عن غضبه الشديد من ابنته، قائلًا: (لسه عارف إمبارح بليل.. وفوجئت بالخبر لما الناس قالت لي من ساعات إن بنتي بتتجوز).
اضاف: (أنا مش هتكلم خالص، عشان مش عاوز أعكنن عليها وهي فرحها النهاردة، بنتي معزمتنيش ولا حد كلمني عشان أحضر الفرح).
كما أكد أنّ مصفف الشعر هشام ربيع لم يتواصل معه قط ولم يجمعهما أي جلسات طوال الفترة الماضية واضاف: (أنا معرفهوش خالص).
وتابع محمد شعبان والد بوسي: (الناس قالت لي إنهم بيرتبوا للفرح ده من 15 يوما، ورغم كده محدش كلمني خالص، أنا معرفتش إلا إمبارح بس).
إقرأ: ليلى علوي بالفستان نفسه منذ ٢٥ عامًا!
الراحل والد بوسي كان على خلاف مستمر معها وهاجمها قائلاً: “كانت بتبعتلي فلوس لمدة 3 أو 4 سنين، وبطلت تبعتلي من 5 سنين، ولما إتكلمت في الإعلام بعتتلي ألفين جنيه، وبعدها كلمتي وقالتلي يا محمد يا شعبان إنسى إن لك بنت اسمها بوسي، وأنا نسيتها ومش عايز منها حاجة”.
رداً على سؤال ليه رجعت تتكلم في الموضوع؟ قال: “أنا مرجعتش أتكلم فيه، الصحافة والقنوات بيجولي ياخدوا مني كلام غصب عني”.
اختتم كلامه: “ربنا يسهل لها ويسترها، والي بيتعمل فيا هيتعمل فيها بعدين”.