شن المذيع المصري عمرو_أديب، هجوماً جديداً على الفنان محمد_رمضان، بعد الفيديو الذي نشره الأخير، وقال فيه أن الدولة تحفظت على أمواله.
بدأ أديب كلامه قائلاً: (محمد رمضان مصمم يكذب علينا تاني ويقول للعالم أن في مصر الحكومة بتحط إيدها على فلوس الناس، مصر مزنوقة في قرشين وأخدت فلوس رمضان، البلد في غنى عن فلوسك الفلوس دي فلوس الراجل اللي مات).
اقرأ: وفاة الطيار بعد انتصاره على محمد رمضان
اضاف خلال تقديم برنامجه (الحكاية)، المذاع عبر فضائية (MBCمصر)، مساء الجمعة، أن هذا الإجراء تم اتخاذه لدفع تعويض الطيار الراحل محمد أبو اليسر، متوجهًا بحديثه لرمضان: (الراجل مات مش كنت تلم القرشين وتديهم لأهله).
وتابع: (اتق الله الراجل مات كمدًا، ده اللي بتعلمه للناس.. بتقولهم يعينوا فلوسهم تحت البلاطة، وميحطوهاش في البنوك الوطنية.. ده بدل ما تكون قدوة، دي فلوس الراجل اللي أنت طرمخت على فلوسه وأنت عارف أنه حقه وأخذ حكم نهائي.. يا أخي حرام عليك.. مش شايف اللي حصل فيك الشهر اللي فات..ربنا كبير يا محمد ولسه عند ندري يوم ما أكسب القضية هاخد فلوسك وأحط أدها من جيبي ويوحوا لمستشفى أبو الريش).
اقرأ: أسرة الطيار الراحل لمحمد رمضان: قهرت الراجل
كان المذيع المصري عمرو أديب، انتقد الفيديو الذي نشره الفنان محمد رمضان، وهو يلقي النقود علي الأرض بعد صدور حكم تغريمه بـ 6 ملايين جنيه لصالح الطيار أشرف أبو اليسر.
قال أديب: «فيديو مستفز جدًا لشعب مصر، شيء مستفز في بلد فيها الناس بتطفح الكوته علشان تجيب رزقها، يعني النعمة دي متفرقش معاه».
وأضاف: «كأنه بيقولنا الفلوس دي علي الجزمة، بيقولنا إيه يعني 6 مليون جنيه أنا الفلوس متفرقش معايا في حاجة، فالأستاذ نمبر وان أثارحفيظة عدد كبير من الناس اللي بتحبه، الراجل ده بقى عدو نفسه.. متفهمش دماغه بقى فيها إيه، أنا عاوزه بس يشرحلي إيه الفكرة؟ يا أخي لو الفلوس متهمكش وكتير اتبرع بيها لحد».
اقرأ: توقعات مجد غانم العامة للعام 2021 – فيديو
رمضان رد على أديب، واساء إليه من خلال استخدامه لمشهد من مسلسله (الأسطورة)، الذي يضرب فيه زميله ويهزأ منه قائلاً: (بس يا بابا)، وهو الأمر الذي أغضب عمرو كثيراً وجعله يقرر مقاضاته.