أعلن الفنان المصري مصطفى_شعبان، سبب خلافه مع الفنانة منى_زكي بعد فيلمهما السينمائي الشهير (أحلام عمرنا).
قال مصطفى خلال حلوله ضيفاً على برنامج “حبر سري” عبر شاشة “القاهرة والناس”: “زعلت طبعا، لما قالت إن أسوأ أفلامها أحلام عمرنا ومعاتبتهاش، ومفيش حاجة اختلف فيها أنا ومنى غير فنيا، لإنها هي نجمة جيلي في العالم العربي، وهي صديقة أعرفها كويس من زمان، اشتغلنا مع بعض عند الأستاذ محمد صبحي، واشتغلنا في الجامعة، وأخوها دفعتي كان معانا في إعلام برضه، علاقتي بيها كويسة جدا، وأنا بحب أحلام عمرنا جدًا”.
إقرأ: كيفانش تاتليتوغ لمَ لا يشبه الأتراك بل كبارنا؟ – صورة
وتابع: “إحنا متقابلناش تاني من وقتها إلا صدفة، ومنى غالية عليا جدا، وأكيد اللي زعلها في الفترة دي حاجة مهنية، في حقيقة الأمر مفيش بيني وبينها حاجة شخصية خالص، مفيش موقف افتكره إن أنا وهي زعلنا من بعض، وموصلنيش إنها اتكلمت عني بشكل وحش، وصلني إنها تكلمت عن تجربة الفيلم إنها مكانتش مرتاحة فيها، وتجربة الفيلم ممكن يكون فيها حاجة مريحتهاش أو اتنين معرفش، متناقشناش في الموضوع، كنا وقتها جيل بيبتدي، طبيعي يحصل أخطاء، وطبيعي منحسنش التصرفات أحيانا، لإن أحنا لسه صغيرين”.