اعلنت الفنانة المصرية هنا_الزاهد، تعرضها للنصب وهددت بفضح الجناة إذا لم يستجيبوا لطلباتها.
كتبت هنا عبر صفحتها:
(اتنصب على أختي وعليا بقالنا شهر وساكتين وعمالين ندلهم أعذار بس الستوري اللي جاية هشرح ايه اللي حصل وبالاسامي الناس اللي تعبونا بقالنا شهر ودخلونا في قصص مش قصصنا).
كانت هنا قالت في تصريحات خاصة للجرس عن مشاركتها في فيلم بحبك مع الفنان تامر_حسني: (متحمسة للفيلم جداً لإن دي تاني مرة امثل مع تامر ولأن هو اصلاً اللي كان بدايتي معاه وكان السبب اني اكمل في المسلسلات).
ووجهت رسالة لتامر قالت بها: (عايزة اقوله ان انت من أجمل وأجدع وأطيب الشخصيات اللي شوفتها، انت انسان شاطر ومجتهد وانا انبهرت لما شفته في الفيلم لانه مش بس ممثل في الفيلم لا ده المخرج كمان، ماكنتش مصدقة قد اية بيركز في التفاصيل وبنعيد على حاجة ماكنتش متخيلة انه ممكن يعيد عشانها، انا عايزة اشكره اوي واقوله ان انت بعد ربنا السبب اني اكمل في المسلسلات).
تحدثت أيضاً عن فيلمها الجديد مع زوجها الفنان أحمد_فهمي وقالت: (انا عاملة مع أحمد فيلم اسمه مستر أكس، خلاص داخلين نصور الايام دي، وعايزة اقول لاحمد اني متحمسة اشتغل معاك للمرة التانية).
كما ردت على اشادة منة حسين_فهمي، بها وهي طليقة زوجها السابقة، واكدت على حسن علاقتهما قائلة: (بقولها ميرسي جداً على الكلام اللي كتبتيه عليا وهي انسانة جميلة وطيبة جداً الصراحة).
اقرأ: منة حسين فهمي: اجهضت أكثر من مرة وهذه علاقتي بهنا الزاهد
اما عن شائعة حملها بمولودها الأول من زوجها أحمد فهمي قالت: (مابردش على الاشاعات وهو مش حقيقي، بس ان شاء الله يحصل).