حل الفنان المصري أحمد_العوضي، ضيفاً على برنامج “حبر سري”، الذي تقدمه المذيعة أسما إبراهيم، وقتل إنه لا يقبل فيلماً من بطولة جماعية ما لم يكتب اسمه في البداية.
وذكر أحمد العوضي إنه يرفض المجتمع الذي يعيش فيه الآن ولكنه يفضل التعامل مع أهالي منطقته في عين شمس مضيفًا “أنا عايش مع المجتمع والناس دي مش بقلبي، وروحي هناك في عين شمس، لأن المجتمع ده كله ناس مش حقيقيين”.
وعن اعتذاره عن مسلسل “نصيبي وقسمتك”، أكمل العوضي: رفضت بطولة مسلسل نصيبي وقسمتك عشان مش مقتنع أن بنت تخوني.
كما أدلى العوضي بتصريحات أخرى قال فيها:
– لو نزلت بفيلم أمام ياسمين عبد العزيز هي اللي هتعمل أكبر إيرادات وأنا هبقى عايزها تعمل الإيرادات أعلى مني وأعلى من أي حد.
– ياسمين تعمل كوميدي وأنا أعمل أكشن وهي تعمل إيرادات أدي 40 مرة وهبقى سعيد جدًا لها.
– شخصية الخديوي هي الأقرب لقلبي وأنا مش بقلق من المنافسة مع حد وأنا بعمل شغلي واجتهد ويا رب كلنا ننجح.
– مينفعش راجل يخون مراته، ومفيش مبرر يخلي راجل يعرف على مراته واحدة، لو أنت مش مبسوط طلق.
– هو الراجل يملك إيه غير هيبته والست تملك إيه غير احترامها؟
– لو الراجل عايز يتجوز يقول لمراته الأول ولو هي موافقتش يبقى حقها.
– مش بزعل من الانتقادات خالص، وأنا مش برد، الجمهور له يقول أي حاجة ده حقه، أنا بعرض منتج حقك تقول اللي أنت عاوزه.
– في مسلسل سره الباتع كان المفروض دور حامد القديم وحامد الجديد يعملهم ممثل واحد، وحصل ترشيح من أستاذ خالد يوسف المخرج والمنتج تامر مرسي إني أعمل الدورين.
– كنت مرتبط بكلمة مع ياسمين إني أعمل معاها مسلسل السنة دي، وكنا مقررناش نعمل ضرب نار أو عمل آخر، واحتراما لكلمتي مع ياسمين اعتذرت.
– النجومية مش دايمة، أنا مش بضايق من الناس وبحب حب الناس ليا، واحد بيحبك هتقلب وشك عليه؟ أيًا كان أنت بتعمل إيه هو حقه يتصور معاك لأنه بيحبك، وبعدين تزعل لما محدش يعبرك ما ربنا كان مديك نعمة، ما البطران يحيب قطران.
– اتخرجت ومثلت على طول، وكان معايا عربية أجرتها ومن الإيجار كنت بعيش، واشتغلت في البداية أيبع شرايط فيديو، والحمد لله ما جعتش ومش بحب دور الضحية.
– تعبت علشان أوصل للي عاوزه في شغلنتي، ومش مولود في بقي معلقة دهب لكني مولود في منطقة شعبية والدنيا على القد، لكن ما تعبتش في حياتي ما ينفعش علشان عشت في منطقة شعبية يبقى أنا كنت بمنام من غير أكل.
– الناس صدقتني علشان كلامي من قلبي، والناس هي اللي خلتني نجم محبوب ونجحت مسلسلي، وأنا فعليا ولا حاجة من غير الناس.
– جاتلي فكرة المسابقات لما كنت بعمل الكوماندة نزلت صورة في يخت، وواحد كتب تعليق وقال إحنا بنتفرج على المسلسل وإنت قاعد في يخت وبتاخد فلوس المشاهدات، وده كلام صح وعنده حق.
– اللي بيتفرج على المسلسل فعلا بيخلص الباقة على عوضي، إنا إديته إيه؟ مشهد حلو؟ مش كفاية، ومن هنا فكرة المسابقة علشان أراضي إخواتي.
– هعمل المسابقة دي كتير بعد كل شغل حتى لو إعلان أو برنامج، لأن أخويا شريك في فلوسي بحبه لعوضي، ودي مش صدقة علشان أعملها في الخفا.