عبر الفنان المصري أحمد مكي، عن غضبه تجاه ما يحدث في فلسطين من قبل الجيش الإسـرائيلي من إبادة جماعية لشعب غـزة.
نشر مكي فيديو عبر حسابه، وعلق قائلًا: حب الدنيا وكراهية الموت ميجتمعوش أبدا مع فكرة الإيمان، واللي عنده إيمان حقيقي من جواه هيكون بيتمنى يستشهد في سبيل الحق والحق هو الله، وأنا لا أدعي إني رجل دين أو شخص مثالي، ولكني إنسان بسيط أخطئ وأصيب، وأكيد ليا أفعال في حياتي بدعي ربنا يغفر لي.
اقرأ: فرح بسيسو تعلن استشهاد خالتها في فلسطين!
تابع: لما قعدت أقرأ شوية في الموضوع، لقيت إن في آيات كتير في القرآن واضحة وصريحة قالت الخلاصة، وقالت إن النصر له شروط، مثل إن تنصروا الله ينصركم، وإذا جاء نصر الله والفتح، والله يؤيد بنصره من يشاء، وبالتالي النصر مقرون ومنسوب دايما لله في القرآن.
أضاف: من قبل ما تشتد أحداث فلسـطين مؤخرًا، في علامات ربنا نزلها كتير، الأعمى يشوفها، زي الزلازل والبراكين والأوبئة، وربنا من رحمته بينذل النذر قبل الأحداث العظام، وإحنا داخلين على حاجات عظيمة، وأنا مش بفتي ولكن ده كلام موجود في الدين، اللي جاي لازم الإنسان يحدد فيه موقفه ويعرف الطريق الصحيح وأقصد بيه طريق الله، طريق الله مفيهوش تنازع أو أحزاب.
استكمل: الإسـرائيلين بيبلطجوا، وبالتالي البلـطجي لازم يُسـحق ويبـاد، وأول رئيس وزراء عندهم من أول تصريحاته قال بكل فجاجة والناس عدت الموضوع عادي من غير ما يقولوا إن ده إرهـاب، وقتها قال إن قوتهم الرئيسية في قدرتهم على تفتـيت أكبر الدول العربية وهم بالترتيب العراق وسوريا ومصر، وأغلب المخطط حصل بالظبط، وللأسف لما حصل في العراق حصل نفس الموقف المخزي ومحدش اتدخل ومحصلش وحدة والناس ماخدتش موقف.