تحدثت الفنانة المصرية إلهام_شاهين، في لقاء تلفزيوني، عن دور السينما والتلفزيون في مناقشة أهم القضايا الشائكة، واعربت عن انزعاجها من قيود الرقابة وتدخلاتها في أمور فنية لا يجب التدخل بها.
قالت إلهام في تصريحاتها:
(لازم يكون فيه ثقة فينا، أنا عندي خبرة كبيرة في الفن وعندي رقابة داخلية وأقدر أعرف إيه المسموح وإيه غير المسموح للمجتمع، مينفعش يكون فيه أي جهات أوصياء على المجتمع يشوف إيه وميشوفش إيه، ما لو مشافهوش عندك هيشوفوه في المنصات اللي بقت مفتوحة على العالم كله).
تابعت: (فيه شباب قالوا لو بتخافوا تناقشوا مواضيع في السينما هناقشها على السوشيال ميديا، الدنيا اتفحت جدًا والسوشيال ميديا الناس بتناقش فيها كل حاجة، لو هنحجم هيتفرجوا عليها على المنصات).
استكملت: (الفن لازم يتنفس ويكون فيه حرية بشكل واسع، مينفعش نحس بالتقييد وأن الرقابة هترفضه وأقول بلاش، قولت لازم أتوقف هو إيه اللي مسموح بيه الكوميدي والأكشن؟ يعني لو متكلمناش في مواضيع هامة فيها سياسة أو دين أو جنس، اللي هي الحاجات المحرمات، هنتكلم في إيه؟ أنا كإلهام شاهين أنا معرفش أخترع إفيهات، ومش هطير في الهواء ولا هكسر عربيات ولا هضرب، طيب بعد تاريخي الطويل ده عديت الـ 100 فيلم وأكتر من 50 مسلسل أعمل إيه).
اقرأ: رسمياً طلاق شيرين وحسام حبيب وهنا الأسباب! – خاص
استطردت كلامها قائلة: (الرقابة فيها مشكلة والمشكلة في الناس اللي بتقرأ بتقرر مصيرنا ومصير الفن يقدم إيه وميقدمش إيه، فيه جهات طبعًا بيعرضوا عليها بعض المواضيع الهامة، واترفض أكثر من موضوع كانوا واخدين موافقة قبل كده، يعني أنا لما عملت شركة إنتاج اشتريت مواضيع مهمة ومكنش يهمني هتجيب إيرادات كام، لأن زي ما عندي تاريخ كنت عايزة يبقى عندي في الـ CV بتاعي أعمال مهمة من إنتاجي، والحمد لله الأعمال اللي انتجتها أثرت وخدت جوائز كتير ورفعت اسم مصر في مهرجانات دولية).