يبدو أن السرطان حسام_حبيب لا يزال يعافر لأجل تحسين صورته التي تشوهت بعدما علم الجميع حقيقته البشعة على السوشيال ميديا وحقيقة تدميره لطليقته النجمة شيرين عبد الوهاب.

حسام حاول حفظ ماء الوجه وخرج في مداخلة هاتفية مع المذيع عمرو_أديب، وادلى بتصريحات كاذبة، متخبطة لا يصدقها طفل صغير!

الشيطان الرجيم طليق شيرين تعارضت اقواله مع عمرو مع اقوال شريكته المنتجة سارة الطباخ، التي كانت قالت مع عمرو سابقاً أن حسام اتصل بها ليلة دخول شيرين المستشفى للاستنجاد بها، لكن حسام مع أديب عارض سارة وقال إنها هي من اتصلت به!

وهنا نذكر ملخص ما قاله الشيطان الرجيم مع عمرو أديب:

كنت عامل زي الضمير في علاقتي مع شيرين وعشان كده حلقت شعرها عشان يحصل الطلاق عشان تجبرني ان العلاقة دي تنتهي.

هي حلقت شعرها عشان كل ما تبص لنفسها في المراية تقول العلاقة دي انتهت ولكن هي لاقت ان العلاقة مانتهتش والحب فضل موجود.

طلقتها يوم ما حلقت شعرها ورجعنا بعدها شفهي.

ازاي انا بني ادم بستغلها وازاي اوافق اطلقها اول ما تطلب مني؟ انا طلقتها في اول يوم طلبت مني.

انا ماكنتش ببعد الناس عنها، انا كنت ببعد عنها الناس الوحشين.

انت لو اصحابك ناس بتشرب سجاير ازاي هتبطل سجاير.

انا خناقاتي مع شيرين كانت عشان تغير اللايف ستايل بتاعها وبعد كده خناقاتي معاها كانت بسبب موضوع المخدرات.

انا بوظت شيرين لاني سكتت على زيادة وزنها وانا ضريتها لان كان لازم اقولها ده مهم انك تخسي

انا اول ما شفت شيرين حلقت شعرها اغمى عليا ووقعت على ركبي في الأرض.

اخوها ماودهاش المصحة من بدري لية؟

ماكنش عندي مشاكل مع امها واخوها لكن بقى عندي مشاكل بعد كده

ماخدتش مليم من شيرين

لو بفكر في الفلوس كنت اشتغلت وبقيت اشهر من شيرين

انا ماعملتش اغنية واحدة من ساعة ما تجوزت شيرين

هل يعقل اني انا اللي وصلتها للمرحلة الثالثة من الادمان؟

انا رجعت لشيرين كصداقة مش ازواج، وانا كنت عندها في البيت ومامتها.

انا اهلي دكاترة كبار هل لو انا باخد مخدرات اهلي هيسبوني كده عادي؟ ده كلام مش منطقي ابداً!

اخوها كان عايز يحجر عليها واسألوا دكتور حسام لطفي.

ياما شيرين قفلت علاقات سابقة ليها وماتكلمتش عنها، اشمعنى العلاقة دي اللي مش عارفة تقفلها؟ وده بسبب الحب على فكرة.

انا تنازلت عن عربيتي ليها ولما اخدتها خدتها عند عيال والعربية كانت بإسمي

الدكتور كان داخل فاتح مطواه عشان ياخد شيرين المصحة العلاجية!

اتسحلت من شعرها ونزلت حافية على السلالم وشتموها بأقذر الشتايم.

شيرين قعدت تعيط وتصوت وتقول الحقني يا حسام وانا حاولت اقنع اخوها وامنعه ياخدها لكن ماوافقش.

اخوها شتمها وقالها انتي بتغيظي امك وهي قالتله انا اختك اللي عالجتك قبل كده، وحضرتكم اسألوا هو كان بيتعالج من اية.

انا اتضربت يومها وضلوعي كلها مشروخة ومارضتش اعمل محضر عشان مافضحهاش.

شيرين كانت بتمضي شيكات للناس على بياض هي لهذه الدرجة عفوية، لو حطيت لها عشرين الف جنية خدت منهم عشرة شيرين مش هتعرف.

هي خدت شقة ايجار في التجمع عشان تبقى مقربة من الناس اللي كانت قريبة منهم الفترة اللي فاتت.

شيرين قالت لي انا هرد لك حقك وهرد اعتبارك قدام الناس كلها عشان كده روحت لها شقة التجمع.

قعدت أربعة أيام باخد منومات ومهدئات لحد ما جالي تليفون من سارة الطباخ بتسألني اتمنى تكون شيرين كويسة.

شيرين امتنعت عن الطعام والشراب وحاولت الانتحار داخل المستشفى.

حاولت اعالج شيرين وانا معاها وحصل وعالجتها لكن ربنا يسامح اللي كان السبب انها ترجع تاني للأمور دي.

انا ماتنازلتش عن البلاغات ضد شيرين عشان هي ماغلطتش فيا لوحدي، هي غلطت في امي وابويا.

انا عشت في بيت امي ٣٧ سنة وعمري ما عشت في بيت لوحدي، انا طالع من بيت امي لبيت شيرين لانها ماكنش ينفع تسيب بناتها فا روحت انا عشت معاها.

عمري ما مديت ايدي على شيرين ولا على اي ست واللي يمد ايده كان قادر يطلع في الاعلام ويرد على كلامها عني.

انا بقيت اتكسف اروح الفاميلي جاذرينج بتاعت اهلي من كتر اللي بيتقال عليا.

هقاضي اخو شيرين ومش هتنازل ابدا لان كلامه عني كله سب وقذف وتشهير.

انا اعمل تحليل مخدرات بنفسي لكن هو يعملي تحليل لية؟

بقول لشيرين لو ماتعلمتيش من الأزمة دي يبقى انتي عايزة تفضلي كده.

شيرين قالت عني الكلام ده عشان ماكنتش راضي ارد عليها، قالت لي انا هاجمتك عشان بطلت ترد عليا قولتلها طيب ما انتي كتير عملتيلي بلوك.

التسريب ده قديم وقولته عنها ايام ما قالت عني التصريحات الهجومية مع لميس_الحديدي.

ماليش اي علاقة بأبويا على فكرة انا علاقتي بأمي واختي بس.

انا طلبت من ابويا كتير ما يتدخلش بيني وبين شيرين وهو برضو كان بيتدخل وبيطلع يقول رأيه وبيضرني، عشان انا انا مقاطعة.

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار