يمر الفنان المصري أحمد حلمي، بأزمة كبيرة، بسبب انتشار تعليقات سلبية عن فيلمه السينمائي (خيال مآتة)، الذي يعرض خلال موسم عيد الأضحى الجاري.
وجه الناقد طارق الشناوي، والناقدة ماجدة خيرالله انتقادات بالغة للفيلم، فكتب الشناوي:
(مع اللقطات الأولى لم أجد أى عمق يقترب من لماعية الفكرة ولا ظلال العنوان، الإخراج تعوزه أى إضافة جمالية، فهو تقريرى ومباشر، لا أصفه بالمنهج التليفزيونى، لأن المخرج فى عدد من مسلسلاته تجاوز تلك النظرة التى ننعت بها عادة الدراما التليفزيونية).
أما خير الله فكانت أكثر قسوة من الشناوي وقالت:
(خيال المآته ،بدايه كده اسم بايخ يشكل عامل طرد ،مش جذب،ثانيا الفيلم مكنش مضطر يرجع نص قرن لزمن ام كلثوم ويصعب الحكايه على نفسه ،وبالتالى يفسد حركه احمد حلمى ويخليه يظهر معظم احداث الفيلم كرجل فى الثمانين وطبعا كان مضطر يرفع سن كل من حوله فيفقد جزء كبير من الق وحيويه احمد حلمى ورفاقه ، ثم هو انت فاكر ان الجيل اللي بيدخل سينما النهارده يعرف يعني ايه بروش ام كلثوم؟ ولا ايه قيمته؟، كان ممكن السيناريست يشوف حكايه اقرب شويه من ام كلثوم يبنى عليها البلوت الاساسى ،ولكنه كان عايز يقول كلام كبير وعبر ومواعظ والحكايه فلتت منه تماما،ثالثا او رابعا منه شلبى أهم كتير من انها تلعب هذا الدور اللى ممكن ترفضه ايمان العاصى أو من دونها! خامسا الكوميديا شحيحه جدا فى الفيلم وكمان ماينفعش تقول افيه وتقعد تشرحه !! سادسا : حط الفيلم ده جمب اخواته صنع فى مصر،ولف ودوران ،وعلى جثتى ،وحانعتبر ان آخر نجاح فنى لاحمد حلمى كان مع اكس لارج وفى انتظار فيلمه القادم).
(خيال مآتة) من بطولة حلمي، ومنة شلبي، حسن حسني، انتصار، بيومي فؤاد، خالد الصاوي، ولطفي لبيب، تأليف عبد الرحيم كمال، وإخراج خالد مرعي.