حلّ المخرج نضال بكاسيني، ضيفاً على برنامج (منا وجر) وتحدّث عن فكرة برنامج (ست ستات) التي سرقتها كارلا حداد والتي استخدمتها في برنامجها على شاشة LBCI.
كانت رابعة الزيات صوّرت حلقة تجريبية من (ست ستات) لقناة الجديد.
اقرأ: رابعة الزيات لكارلا حداد: “ما تكوني مفكرة حالك ملكة جمال”!
الممثل ومقدم برنامج (لهون وبس)، هشام حداد، دافع عن زميلته كارلا، المنتقلة إلى LBCI بعد طردها من الـ MTV، وقال مهاجماً بكاسيني: (فاشل طلع عالهوا يحكي عن سرقة) ومدافعاً عن LBCI مهدداً الجميع وقال: (انا هشام حداد ويلي عندو رِكَب يهدي للآخر)
كلام حداد استفز مديرة الأخبار في قناة (الجديد) مريم البسام، ووقع حوار بينهما وصل إلى حرب واتهامات متبادلة:
مريم البسام قالت: (شو الخميس تلة ال تلات تمانات؟ منصة؟ قناص ب جبهة حرب؟ الخميس برنامج ناجح جداً ما يتحول لمنصات كرمال حضرتك صرت منتج برنامج آخر، بدك تربح ما تستقوي ع غيرك، وتهدد بصواريخ هوائية، قد ما كنت ناجح قد ما بنحترمك أكتر إذا اعترفت بحقوق الغير. انو شو بتهددنا صرت بالخميس؟ هلا بالخميس)
هشام حداد: (مين قرب صوبك؟ أنا الخميس بعطي موعد للناس اللي بضحكن.. دفاعي قلتو بأول جزء من التويت وعفكرة أنا مش منتج ولا برنامج.. بموضوع الاستقواء، أنا حر شو بقول ببرنامجي متل ما إنت حرة بمقدماتك، وخليكي برا الموضوع لإنو كل بلاغتك ما بتشيلك من جورة الوحل اللي منوقع فيا كلنا)
مريم البسام: (ما حدا بيرسملي حدود، ولا بيأمرني سيد هشام، هون مساحة لنعبّر. حضرتك مفرْعَن زيادة عن اللزوم. ع شو عم بتهدد الناس وبمين؟ ببرنامج؟ بمحطة؟ مش ملاقي حدن يقلك خلصنا بقى. رح تبج يا زلمة من كتر التهديد)
هشام حداد: (وين رسمتلك حدود؟ عم قلك إنتِ حرة شو بتكتبي وانا حر شو بقول ببرنامجي.. مين قلك إنك وصية علينا شو فينا نقول و شو ما فينا نقول.. لما كون مراسل عندك حكي معي بلغة الوصي، غير هيك كلامك مردود.. شو رأيك اعطيكِ الباسوورد تبع التويتر تستلميه)
مريم البسام: (بيكون اريح للبشرية. خلي حدا شي نهار يقلك ما تكبر كتير ع العالم يلي طلعت منن. ع راية المرحرم ملحم بركات: حبك كبر كتير. هات هالباسورد وخلصنا.. وبالنسبة للزملاء المراسلين هني بيعرفوا اني ولا مرة كنت معن إلا زميلة. ما بأمر حدا.. انا إلي بأمرُن ابعتلي الباسورد عالخاص)
هشام حداد: (عم بشتغل هلق.. رح شغلك موسيقى حزينة تغفي عليا.. غود نايت صديقتي)
مريم البسام: (ارحم حالك من الشغل. ركزلي عالخميس. مش اخدين معنا شي. هوي الشغل يلي هلك المنظمومة عندك.. صرت بدك تاكل الجمهور أكل وتغطي عالمقدح. مش عم بنلحق عليك.. بس المهم تلحق نفسك. نايتي)
