يبدو أن الفنان المصري تامر_عاشور يعيش فترة صعبة هذه الأيام، فبعدما تحدثت زوجته السيدة سمر أبو شقة، عن تفاصيل خلافهما وخيانته لها وطلبها الطلاق، قررت خطيبته السابقة دارين حلمي، فضح كل تفاصيل خطوبتهما، واكدت انه خدعها وتقدم لخطبتها مدعياً أنه انفصل عن زوجته سمر.

اقرأ: زوجة تامر عاشور لن تعود له ومعها حق!

كتبت دارين عبر صفحتها:

(بسم الله الرحمن الرحيم
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا
أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ صدق الله العظيم، نظرًا لإتهامات وإشاعات اتوجهت لي الفترة اللي فاتت وبدون وجه حق فكان لازم أخرج عن صمتي وأوضح موقفي لإن مش دارين اللي تاخد راجل متجوز أو تكون سبب في خراب بيت حد. وبالتالي مليش ذنب في اي حاجه).

تابعت: (تامر دخل البيت من بابه واتقدم لأهلي رسمي على أساس انه مُطلق وده اللي أنا كنت فاهماه زي زي جمهوره _ عادي ان بنت ترتبط براجل مُطلق مش ازمه _ و حصلت الخطوبة بشكل رسمي زي ما عرفتوا ومشيت الأمور في مجراها الطبيعي لحد ما بالصدفة اكتشفت انه لسة زوجته على ذمته وفيه قضايا بينهم ولم يتم الانفصال بشكل رسمي. اي بنت في الموقف ده طبعًا لازم تنسحب مهما كان الحب ومهما كانت العواطف لأن مش دارين حلمي اللي تاخد راجل من زوجته مهما كان هو مين (كده كده أنا كنت مستمرة في مسابقات ملكات الجمال وليا الكاريير الخاص بيا) فكل مرة بقرر الانسحاب كان تامر بيرفض وإن كده كده الطلاق قائم سواء أنا في حياته أو لأ وده مش يخصني في شئ).

اقرأ: تامر عاشور يخطب دارين حلمي – صور

اضافت: (في الاخر أنا صممت على فسخ الخطوبة بمنتهى الاحترام ما بيني و بينه لأنه مينفعش و كل التوفيق و النصيب بإيد الله. ربنا يوفقه في حياته و يوفقني في خطواتي الجاية ان شاء الله. تامر انسان محترم مشفتش منه غير كل خير واحترام وحب و أنا بحترمه على المستوى الفني و الشخصي لكن ده نصيب و ربنا يوفقه في حياته واتمني محدش يتكلم في حاجه ميعرفش تفاصيلها وشكرا لكل الناس اللي بتحبني وعرفاني كويس أظن أنا جاوبت على كل حاجة و مش هفتح الموضوع ده تاني نهائي أرجو احترام موقفي).

بهذا الكلام تكون سمر ودارين ضحيتان لتامر عاشور وألاعيبه، فالأولى تفاجأت بخيانته لها، والثانية خدعها وكانت تظنه مطلق وتفاجأت بأن زوجته لا تزال على ذمته.

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار