هاجمت الفنانة المصرية داليا مصطفى، عدداً من زملائها داخل الوسط الفني إثر إطلاقهم تصريحات إعلامية تنم عن عدم ثقافة ووعي منهم.
كتبت داليا: (مش عارفة أقول إيه وأبدأ إزاي، بس فعلاً فيه بعض الممثلين الزملاء وهما ممكن يكونوا هايلين جداً جداً في شغلهم، لكن الأفضل ليهم ولينا إحنا لأننا نصنف على أن كلنا واحد إنهم ميتكلموش خالص في أي برنامج، لأنهم بيفضحونا فعلاً، لا ثقافة ولا وعي على أنهم بيسجلوا مع مذيع ولا صحفي).
تابعت: (والاقوي من كده انهم ليهم معجبين كتير، ولانهم وده اللي مش قادرين يستوعبوه انهم قدوه لناس كتير اوي اوي وأي كلمه مش مظبوطه انت او انتي بتعتبروعها هزار وخفه دم . صراحه هي شئ سخيف وانت حضرتك بتهدم جيل بأسلوبك الركيك ومعني ركيك مش رقيق يعني أسلوب متواضع في اللغه وعيب علي حضرتك او حضرتك كفنان يصدر من لسانك مثل هذه الألفاظ لانك علم وغير كده وكده ارحمونا شكلنا بقي وحش اوي اوي اوي).
اضافت: (اه وعلي فكره في نجم عظيم عظيم بمعني الكلمه لكنه عمره ما طلع في أي برنامج او مقابله عابره لانه عارف كويس اوي انه مش بيعرف يتكلم كويس وعادي يعني الراجل عايش وكلنا بنحبه ونموت ونتصور معاه ارحمونا بقي).
داليا لم تحدد من قصدت بكلامها ولم تجرؤ على ذكر أي فنان من زملائها الذين هاجمتهم بشراسة، لكن البعض استنتج أن آخر جملة اختتمت بها حديثها كانت تقصد بها الفنان عمرو دياب، حينما قالت أن نجماً مشهوراً ومحبوباً لا يظهر في المقابلات لعدم اجادته الحديث أمام الكاميرات.