علّقت الممثلة السورية رغدة على أزمة البنزين التي تشهدها سوريا في الفترة الأخيرة، والتي تعيق تنقل الشعب، ووجهت لشعبها رسالة دعم ووصفته بالصبور الذي تحمل كل الدمار والقتل والذبح ولا يزال محباً للحياة.
رغدة لم تهاجم نظام بلدها ولم تضع اللوم على المسؤولين كما فعل كل من أيمن زيدان، شكران مرتجى وإمارات رزق، بل طلبت من الشعب السوري التحمّل أكثر.
اقرأ: أيمن زيدان شكران مرتجى وإمارات رزق خسئتم يا طلاب الضوء
وقالت رغدة: (الشعب اللي بيعمل من لب الكوسا مية أكلة واللي بيخبز عجينتو بصبرو ع نار شمعة واللي بيحول بواقي الطبيخ لأكلة جديدة و اللي حبة بطاطا بتتحول ف ايدو لعشرمية أكلة مالحة وحلوة واللي ف بيتو عصر البندورة العجوز وطلع منها صلصة والفليفلة الشرسة طحنها وخزنها والخضرة حتى الدبلانة بملح دموعو جففها والبرغل انطبخ في ايدو بمية طريقة وطريقة حتى العدس أثبت جدارتو في مطبخو بألف طريقة حتى انطبخ بمية المطر يوم ماكانت مية السواحل فيها ملوحة حتى لب البطيخ والقرع والشمام مع شوية حمص وزعتر م الأرض اخضر حولو لزعتر
الشعب اللي صنع حبة الجبنة ف بيتو والصابون واللي بناتو نعمت شعرها وقت الشدة بدل البلسم بالبيلون ومن بواقي القماش العتيق عمل لحافو واشيا كتير
وبالخيش لف تلجاتو ف عز الصيف حتى دمور كياس القطن غسلها و عمل منها كلاسين وفانلات لولاد رضيانين. الشعب اللي التعن عيشتو وصمد ف حرب أكتر من 8 سنين شاف فيها الويلات من فوقو وتحتو وخلفو وم الشمال واليمين قتل وخطف وتهجير ودمار بيوت ومصانع بناها بعرق الجبين.
الشعب اللي استحمل قطع الكهربا وقطع المي وقطع رزقو سنين
الشعب اللي دفع دم ولادو وبين جنازة وجنازة جنازة ما اشتكى لغير رب العالمين حتى اللي انأسر تحدى موتو م الدواعش وعلا صوتو : والله لنمحيها هيدا الشعب لابتكسرو حرب ولا بنزين.. افهموها وفهموها للي مش فاهم والقلقان ع بلدو من المغتربين)