روت المذيعة المصرية ريهام سعيد، تفاصيل جديدة عن مرضها بكتيريا الوجه، الذي أصيبت به مؤخراً، وجعلها تتوقف عن الظهور في برنامجها (صبايا الخير)، عبر قناة (الحياة).
قال ريهام في تسجيل صوتي نشرته عبر صفحتها: (باختصار شديد أنا ماعنديش مرض جلدي، ووشي مابيقعش، أول مرة أحس أن الناس مهتمة بالتفاصيل الطبية، وإتهام البعض أني بمثل أني تعبانة، دي حاجة مقرفة جداً، أنا حصلي مشاكل كتير أوي الأربع سنين اللي فاتوا وكنت بتظاهر بالقوة والصمود، وكنت مصممة أقف وأكمل عشان ولادي والناس الكتير أوي اللي في رقبتي اللي مالهومش أي ذنب في الحرب اللي كنت بخوضها، ده آثر في جهاز المناعة وبقيت ممكن ألقط أي مرض بسهولة، جالي مكروب في الحتة اللي جنب مناخيري والحتة دي بتسمى بمثلث الموت، وصعب أوي أنها تتعالج بأدوية، لأن المكان ده مابتوصلهوش الدم).
تابعت: (أضطريت أني أعمل عملية وشلت مناخيري كلها بالغضاريف والعظم بكل حاجة، وكان المفروض أفضل مناخيري فاضية تماما، وأبقى مشوهه جلد على وش بس، وربنا أنقذني بدكتور بنى مناخير جديدة من وداني، وما زال حياتي مهددة، ومازال المكروب مانعرفش أذا كان راح ولا لأ، وخطورته أنه ممكن يوصل للمخ، لأن ده مثلث الموت، ومش معنى أني بنزل وبتشوفوني في الشارع أني خفيت، أول 3 أسابيع ماكنتش بتحرك ولا بشوف حد ولا بتكلم حتى، أنا بقالي أسابيع بعاني وآخر حلقة ليا كنت من غير ماكياج، وحاطة درنقة مع أن الدكتور قالي أن ده خطر على حياتي بس نزلت ودي كانت غلطة).
https://www.instagram.com/p/BzzAdLoBEFH/