منذ 12 شهر علقت الكاتبة السورية وزوجة الممثل باسم_ياخور على خبر طلاقها الذي اننتشر بكثرة في الآونة الأخيرة، خصوصًا بعدما حذفت باسم من قائمة الأصدقاء على الإنستغرام.
اقرأ: زوجة باسم ياخور انفصلت عنه سرًا؟
وكتبت: (لأني بعرف أنه حياتي الخاصة صارت فجأة محور اهتمام، اسمحولي حوّل اهتمامكم للمكان الأصح والأفضل، لقضايا أهم بكتير مني ومن حياتي ومن أي إنسان، لقضايا لازم كلكم تحكوا فيها، لأنها فعلا بحاجة لأصواتكم واهتمامكم ولكل التغطية الإعلامية الممكنة.. عن كل المرضى والأشخاص يلي بيعانوا من مشاكل صحية، ومو قادرين يدفعوا تكاليف علاجهم وبحتم لمساعدة مالية، شو الحل بالنسبة الهم؟ كل العاطلين عن العمل واصحاب الدخل المحدود، يلي عم يحاولوا يلاقوا فلاصة عمل بدون نتيجو، أو يلي عم يشتغلوا مقابل رواتب ما بتكفي لتغطية مصاريف عدة أيام من الشهر، هدول الأشخاص كيف بدهم يعيشوا؟)
اقرأ: باسم ياخور يتلقى تهديدات بقطع رأسه – صورة
وتابعت: (الأطفال المشردين بالشوارع وحتى البالغين يلي ما عندهم مأوى أول أمل بحياة طبيعية متل باقي البشر، كيف وامتى رح يتم انقاذهم؟ ضحايا سنين الحرب الطويلة والزلزال وكل الناس يلي خسروا بيوتهم أو اتعرضوا لإصابات، أو كانوا متضررين بأي شكل من الأشكال،مين عم يساعدهم او يهتم فيهم؟ عن ارتفاع الأسعار بشكل لا يتناسب مع دخل الناس. عن كبار السن والمتقاعدين واوضاعهم. عن الأيتام شو بيصير فيهم لما يخسروا معيلهم)
اقرأ: باسم ياخور يخنق ديما قندلفت – صورة
وأضافت مؤكدة بأنها لن تفشي عن حياتها الشخصية وما إذا كانت انفصلت عن باسم أم لا، وكتبت: (يمكن كلنا صرنا نستخدم السوشيال ميديا أحيانًا كمتنفس. وأنا بفهم أنه متابعة حياة الآخرين فيها ترفيه وتسلية للبعض، بس بدي اعتذر لأني ما رح أرضي فضولكم، حياتي الخاصة ملكي أنا بكل مودة بشارككم بالجزء يالي بشوفه مناسب بالوقت يلي بشوفه مناسب. وكمان بعرف انه جزء كبير منكم عم يبعت ويكتب من محبة واهتمام صادق. وانا فعلا ممتنة لإهتمامكم ولكل رسالة وكل كلمة حلوة ولكل نصيحة، وبقدر طمنكم عني موضوع زواجي او انفصالي ما رح يغير شي بحياة حدا منكم، بس انتو قادرين تعملوا تغيير بحياة كتير ناس بحاجنكم. أنا بخير وحياتي رح تستمر بكل الأحوال، بس ف كتير ناس غيري مو بخير وأحوج مني لدعكمكم)
)
