وجّه الفنان المصري الكبير سمير صبري رسالة شكر للرئيس عبد_الفتاح_السيسي، الذي وجّه له اتصالًا هاتفيًا للاطمئنان على حالته الصحية، ومتابعة الرئاسة لحالته، بالإضافة إلى وزارة الصحة.
قال سمير صبري خلال مداخلة هاتفية مع الإعلامي عمرو_أديب ببرنامج الحكاية: بشكر الدولة المصرية إنها اتحركت، والحمد لله حسيت إن الفنان اللي قضى 60 سنة من عمره في الإعلام والسينما سنينه ماراحتش هدر، وبشكر كل الفنانين اللي جم زاروني اللي أعرفهم واللي ما اعرفهمش.
اقرأ: ماجدة الرومي من السعودية: كلمة الحق قلتها من قلبي قدام الله
اضاف: أرجوك تبلغ الرئيس السيسي كل قبلاتي واحتراماتي وإنه رجعني مصر تاني ورجع مصر لإفريقيا، وإنه واخد باله من كل واحد زيي كده كشخص بسيط، وشكرا لكل الناس على سؤالهم وكل الحب الكبير.
ووجّه سمير صبري رسالة شكر للجمهور، قائلًا: وشكرًا إنكم قدّرتم مشواري الطويل في الإعلام والفن والسينما وبقولهم خليكوا مع الرئيس السيسي لأنه هو الشخص الوحيد اللي يقدر ينقذ مصر.
سمير صبري يعاني من آثار الكيمياوي الذي تعرض له خلال الفترة الماضية، وتحديدًا منذ عام ونصف.
وكان تحدث عن حالته قائلاً: (كنت مصاب بالسرطان وقضيت عليه الحمد لله، والمفروض إني أعمل عملية في القلب خلال 3 أو 4 أيام؛.
وتابع: (هعمل عملية جامدة شوية ومحتاجة رعاية جامدة جدا، وإن شاء الله أتخطاها، والـ 50 سنة اللي قضيتهم في الفن والسينما والثقافة عمري ما هنساهم، وعمري ما هنسي إني عملت حلقة كاملة على دمار خط بارليف، ودي من الحاجات الجميلة اللي بعتز بيها في شغلي).