تأثرت سوريا بالوضع الإقتصادي كما لبنان، وباتت الحياة صعبة فيها بعد الغلاء المعيشي وارتفاع الدولار أمام الليرة السورية التي أصبحت 1100 ليرة أمام الدولار الواحد.
وكانت الممثلة تولين البكري أول نجمة تحدثت عن الأوضاع المعيشية الصعبة ضد التجار الذين يحتكرون الوضع الصعب.
اقرأ: تولين البكري تناشد زملاءها ضد تجار سوريا
النجمة السورية شكران مرتجى ردت على زميلتها وتحدثت عن ما يعانوه يوميًا وقالت:
“هذا ما قالتله شكران؛
أنا مستغربه صراحة وين الجمعيات اللي بتساعد بالفترات الصعبة اللي بنمرق فيها وين الفعاليات شبنا بأيام أصعب كنا لبعض ومع بعض وينكم شوف جارك شوف ناطور بنايتك من هون بنبلش ناطرين تخبرونا وين نتبرع غير بالاماكن اللي نحنا شخصياً بنعرفها لننشر متل العاده
مساعده صغيرة بتعمل سعاده كبيره
ارجعي اطبخي وسكبي لجارتك مابتعرفي بواب مغلقة وهموم مفرقه وانت عم تشتري ربطة خبز اشتريهم تنتين او تلاتة وعطي جيرانك او حط مصاري بالفرن قله اذا حدا بده خبز ومامعه يدفع …عندك دوا مو خالصه مدته حطه بالصيدليه في شي بكتير صيدليات اسمه صندوق حفظ النعمة هاد شي مهم كتير لانه الدوا غالي
أشتروا من الولاد الصغار لو مو لازمكم بدال حق نفس ارجيلة أتبرعي لشي بيت بدال القعده بأم شريف بلاها هالأسبوع معليش عيش وخلي غيرك يعيش لاتنزلي طبخة مية نجمة ع صفحتك ولاتفرجينا وين سهرانه هالخميس أحتفظي بألبوم ذكرياتك بتليفونك شوية إحساس ببعض هاد المطلوب كلنا فارطين كل واحد همه على قده هالحكي مو عيب ولا غلط هاد اقل شي هي أزمة من الأزمات
الأساتذه المخرجين وحتى الممثلين في شي عمل رشح زملاء الك ممكن تنشط ذاكرة مدير الإنتاج إنت أعتذرت رشح حدا
مالك بالعمل دق تليفون وقلهم أتذكروا فلان وفلانه من فنيين وممثلين
ماعاد في حل اللي القلب الواحد والإيد الوحده
عندي فكرة
كل صالون ومطعم وجامع وكنيسة وسوبر ماركت ومحل نوفوتيه محل تياب وووووو
يحط صندوق اللي بيقدر يتبرع بها الفراطة ويحطها بالصندوق صار ضروري كتير”