تحدثت الفنانة المصرية صابرين عن فترة ارتدائها الحجاب ثم خلعه واستبدالها بالباروكة، ثم خلعها مرة أخرى بشكل نهائي، وعن الانتقادات التي تعرضت لها، وردت على مهاجميها.
إقرأ: صابرين تبكي بعد خلع الحجاب: ايه الي عملتو غلط؟
قالت صابرين: (لما لبست الحجاب لبسته عن إيمان شديد وكنت في لحظات لخبطة وانفصال في البيت، وخاصة بعد مسلسل أم كلثوم حصل نجاح كبير واستقبالات في العالم وأوسمة متعددة، جتلي حالة عزوف وقتها وكان عندي انفصال ولخبطة خلتني أقعد في البيت، لكن عن إيمان لأن الواحد بيحب يعمل اللي عايزه بصدق).
وأضافت: (نظرتي اتغيرت كتير بعد المسلسل، في بعض زملاء الفن كانوا بيحبوني عشان حبوبة ولطيفة، وبعدين فوجئت أن نظرتي سقطت فيهم وقلت وقتها أنا إيه ده؟ إيه اللي بيحصل ده؟ باسم المنافسة، أنا مش بتاعت كده خالص، أنا واحدة بتمشي جنب الحيط).
اقرأ: صابرين خلعت الحجاب رسمياً! – صورة
تابعت: (ليه هكسب العالم وأخسر نفسي؟ مش صح لازم أكسب نفسي، ولقيت نفسي حابة نفسي دلوقتي أكتر وشكلي مش “فيك” فيه تصالح ورضا، العلاقة بيني وبين ربنا حاجة خاصة جدًا دي علاقة في السر وهي أسمى العلاقات).
وردت صابرين على منتقديها: (دايماً بقول اللي هينزل معايا القبر ويتحاسب يحاسبني، فيه ناس بتدخل على السوشيال ميديا يوجهولي رسائل من نوعية.. بحبك في الله وأنا بتقبل ده، لكن فيه شريحة تانية شغالة بهدلة وتهزيق ودول لجان).
كانت صابرين فاجأت الجمهور في نوفمبر/تشرين الثاني 2019، بخلعها للحجاب، ونشرت الفنانة حينها صورة ظهرت فيها بشعرها، متخلية عن حجابها، وظهرت صابرين في الصورة بشعر أصفر، وجاءت التعليقات مختلفة من جمهورها بين مؤيدة ومعارضة.
محقة صابرين في ردها على مهاجمي خلعها للحجاب، فهي ستحاسب وحدها في النهاية أمام الله، ولا يحق لأحد التدخل بعلاقتها بربها.
ليهتم كل شخص بأعماله وحياته وليكف النظر والتدخل بحياة غيره!