هاجم عدد كبير من المصريين مطلب استكمال تصوير مسلسلات رمضان، في ظل انتشار فيروس كورونا، خصوصاً وأن عدد فريق العمل داخل أي مسلسل مصري يتخطى الـ ١٠٠ شخصاً.
الفنانة المصرية صابرين، كان لها وجهة نظر مختلفة في هذا الأمر، واعتبرت متابعة التصوير في زمن الكورونا تعتبر كالجهاد في سبيل الله.
قالت صابرين: (إحنا فعلا عملنا كده، وقعدنا في البيت، بس نظرا للمسؤولية الجبارة اللي بتبقا على الواحد وإن في ناس كتير هتقعد في بيوتها لو منزلتيش الشغل، نزلنا.. هي مش مسألة مادية قد ما مسألة معنوية إنك برأي واحد هتوقفي سير عمل كبير، بتبقي في وقت صراع ضمير قوي جدا، بين ولادك ولا الأسر المفتوحة ولا نفسك!).
تابعت: (أنا مش بضحي بنفسي بس.. أنا بضحي بوالدتي إذا كانت قاعدة معايا أو لو حد مسن في عيلتي أو أطفال، لأن ممكن لو اتنقلي الفيروس انقله ليهم لما ارجع البيت.. عشان كده بقول لكل منظومة العمل بتاعت رمضان كإعلام وفن ومسلسلات بقول لكل الناس تحياتي وتقديري وأشكركم بجد من كل قلبي.. لأن حاولنا بقدر الإمكان نجتهد إحنا في جهاد برضو يا جماعة والله بنقعد في التصوير بال 12 ساعة مش عارفين هنروح ازاي في الحظر).
اقرأ: أين وزارة الثقافة ونقابة الممثلين من مهزلة تصوير المسلسلات؟