نشرت الفنانة الأردنية صبا مبارك صورًا لها على سرير نومها، ظهرت بقمة جمالها وأناقتها، وكتبت تشتاق لكل اللحظات الماضية التي عاشتها، وتمنح الأمل لمتابعيها أنهم سيتخطون هذه المنحة بسلام، وقصدت فيروس كورونا الذي يضرب الكون.
حكت: (غريبة الحياة.. بس واضحة وصريحة وبتعطينا علامات أحيانا بنختار ما نقرأها.. سنين بنضل عايشين برات حالنا.. وعم نركض بالحياة.. وعم بنوسخ هالكوكب عالمهم وعالمش مهم.. في لحظة بنفكرها مفاجأة، بتذكرنا الحياة انو التفاصيل مش بديهية.. وانو مفيش اشي بيتأجل.. الي ما بتعملو اليوم ممكن ما تقدر تعملو بعدين.. بدون اي تشاؤم بكرا مش مضمون.. واذا بكرا كان عتمة بيجوز.. الي بنحبهم يروحو و يتركوا و الأسباب تتعدد).
تابعت: (احلامنا بتسيطر عليها الأولويات.. وحدتنا بتزيد.. لانو ما تعلمنا نقعد مع حالنا.. ومع هيك وبنص هالجو الغائم عالانسانية.. في احساس دافي عم بيقرب الناس من بعض كمان مرة بكل عزلتهم).
أضافت: (رجعنا نشتاق و نشكر الله عالنعم البسيطة من الهوا والشمس للأكل الي في غيرنا مش ملاقيه للصحة… و كتير اشياء.. مش قصدي اكون كئيبة ابدا.. انا متأكده انو رح نتجاوز هالمحنة…بإذن الله.. بس تخلص.. نرجع كل فترة ونقعد مع حالنا ونبوس أهلنا ونمشي عالطريق ونشم هوا و نتطلع بعين الناس مش موبايلاتنا.. لكي لا ننسى).
