بعد انتشار أنباء عن انفصالهما، وجه الملحن سامر أبو طالب، طليق المطربة رنا_سماحة، رسالة مُبهمة لمتابعيه اعتبر البعض أنه يقصدها بها.
اقرأ: رنا سماحة حامل بمولودها الأول – فيديو
وكتب سامر أبو طالب عبر صفحته: (التجاهل وقِلّة التقدير بيعلموا الانسحاب.. تكرار الغلطات وقِلّة الذّوق بيعلموا القسوَة.. كسر الخواطِر ووجع القلُوب بيعلموك تختار نَفْسك وتفضّلها عن الجميِع وتبطل تعمل حساب لأيّ حدّ، مفيش بني آدم خلقهُ ربنا إلَّا وكان لهُ آخر، مهما كان قوي علَى التحمُّل وصبرُه كبير).
أضاف زوج رنا سماحة: (ومهما كان ودُود ومُتسامِح، في النهاية لازم هيقف عند حاجات مُحدَّدة؛ لا هيقدر إنّه يعديها، ولا ينفع يتقبلها بأيّ شكل إن كان.. فَا محدش يَستَهين بالطِّيب الغلبان اللي بيعمل نَفْسه مَش واخد بالُه بمزاجُه لكِن وقت اللُّزوم لا هيعمل حِساب لا لغالي ولا رخِيص وهيكون علَى حقّ، مساءكم شبه نواياكم).
اقرأ: رنا سماحة للجرس: زينة رشحتني لـ (جمع سالم) ودوري في (ياأنا ياجدو) مختلف – صور
يأتي هذا في الوقت الذي انتشرت فيه أنباء انفصال رنا وسامر، بعد حملها بابنهما الاول.
رنا ردت على تلك الأخبار وقالت: “لا أستطيع إثبات أو نفي الإنفصال في الوقت الحالي).
كما كتبت عبر صفحتها:
(عذراً ايها ال trend فلدي ما هو اغلى من كنوز العالم، اتعلمت في بيت اهلي ان العلاقه بين الراجل والست امانه مينفعش تطلع بره البيت، خطيبتك مراتك طليقتك اياً كان، الامانه دي ولاد الاصول بس الي بيعرفوا يصونوها وميفشوش اسرارها، ولاد الاصول بس الي مبيكذبوش ولا بيتدعوا على بعض بالباطل، ولاد الاصول مبيقذفوش المحصنات (( كبيره من الكبائر ))، ولاد الاصول بس الي مبيخونوش الامانه، ولاد الاصول بس مبيفجروش في الخصام، ولاد الاصول مش محتاجين يستعطفوا حد ولا محتاجين يتدعوا المثاليه بيسيبوا اخلاقهم تتكلم عنهم ومبيتكلموش هم عنها).
تابعت:
(ولاد الاصول مبيلقحوش على بعض مبيجيبوش سيرة بعض غير بالخير ولاد الاصول بيعاشروا بالمعروف وبيفارقوا بالاحسان ومبينسوش الفضل بينهم ده الي ربنا امرنا بيه ده الي اهالينا ربونا عليه ده الي الانسانيه بتقوله اي حاجه غير كده تبقى عدم تربيه ..قلة دين .. انعدام اخلاق، انعدام الاخلاق ده مينفعش نزينه ونقول اوووووه ترند).
استكملت:
(في داهيه الترند الي ينسينا اخلاقنا وتربيتنا واصولنا الانسان بيعيش حياته وبيمشي (( رحله )) مش هيفضل منها غير سيرتك واعمالك الطيبه وكلمتك الي بتتصدق بيها سيبوا الخير وانتوا ماشيين عشان الناس تدعيلكم بدل ما يدعوا عليكم اجعل من يراك يدعو لمن رباك بطلب من اي حد هيكلمني عشان يعرف اي تفاصيل تخص حياتي الخاصه يوفر على نفسه وميكلمنيش ميهمنيش السبق الصحفي ولا الشو الاعلامي ولا الاكثر بحثاً غيرفي شغلي فقط في الخير والفرحه وبس).
اختتمت كلامها: (عاهدت نفسي واهلي والناس الي بحبهم اني اكون خير قدوه عاهدت ابني الي عيني لسه مشافتوش اني اربيه على الاصول والاحترام والرقي عاهدته اني اربيه يبقى ((راجل)) ف متستنوش مني ما يفعله الاخرون مش عايزه ابقى ترند).