رد الفنان محمود المهدي، على تصريحات طليقته الفنانة المصرية منة_عرفة، التي أكدت فيها أن الخيانة هي سبب طلاقهما، وذلك أثناء مداخلة هاتفية لبرنامج “خط أحمر” المذاع عبر شاشة “الحدث”.

قال محمود المهدي: “والله الخيانة كانت من الطرف التاني، وأهلها افتكروا أن وجودها معايا هيعطلها عن الشغل، مفيش حد راضي يشغلها عشان أنا زوجها، بسبب التصريحات وسوء التفاهم اللي حصل بيني وبين الدكتور أشرف زكي والفنان محمد نجاتي، والخلافات وسوء التفاهم مع النقابة، و إنها لو فضلت معايا مش هتشتغل”.

تابع “المهدي”: “وفيه صلح مع الدكتور أشرف زكي واعتذرت ليه، وهيكون في صلح بيني وبين النقابة يعني، والأستاذ مسعد فودة هو اللي متصدر وقعدنا كام مرة كده للصلح، والمشاكل اللي حصلت في النقابة كانت بسبب إن أنا دافعت عن منة، وأنا اديتها فرصة تطلع تنكر، وزي ما هي تعبت نفسيا، أنا كمات تعبت وتعبت من كلام الناس ودمرتني هي وأهلها، وسكت وعديت كل حاجة، وتم استغلالي وعديت كل ده ومرضيتش اتكلم، ياريت حد أهلها يطلع يكدبني في أي حاجة، هم عارفين إن أنا بتكلم عن الحق ومعايا إثبات ومعايا كل حاجة”.

وأضاف: “والله أنا أراهن أتحدى حد من أهلها، يقول إن محمود المهدي كان خاين، وطلقتها بسبب حاجات حصلت، استغلال وفيه حاجات حصلت غير اللي تم الاتفاق عليها، وتحملت طلبات فوق طاقة، غير إن موضوع أهلها كان صعب جدا الصراحة، لدرجة إن أنا كنت هعملها مشروع تجميل، عشان حالها وقف في الشغل وأهلها محتاجين مصاريف، أنا عندي فيلمين واقفين، وفلوس واقفة، والاقتصاد في العالم كله واقف، وأنا شغلي الأساسي في الاستيراد والتصدير فاضطريت أبيع العربية مخصوص من غير تفكير، عشان اديها الفلوس، وأول ما بعت العربية بعدها بيومين تم الطلاق، والطلاق متمش بالود، تم فجأة، وبالغلط، وأنا طالع بقول حسبي الله ونعم الوكيل”.

واستكمل: “أنا بعت العربية واديتها فلوس، وبعدها بيومين تلاتة طلبت الطلاق، أنا بدافع عن نفسي مقصرتش في حاجة، وأنا للأسف حبيتها، لو محبتهاش، مكنتش بيعت ولاصرفت على أهلها ولا استحملت، ولا يعني الخيانة كنت عديتها واستحملت، ده أسهل أرد بقوله، وساعة الطلاق كنت رافض بس أهلها كانوا مصممين طبعا”.

كان محمود المهدي، اعلن انفصاله عن منة عبر صفحته مؤكداً أن منة خانته وخدعته وراح يشكو من أمها وأهلها واتهمهم بسرقة أمواله، وتحدث بأسلوب “الشوارع” ولم يحترم “العشرة والعيش والملح” بل فضح زوجته السابقة على الملأ.

كتب المهدي:

“تم الطلاق خلاص للأسف كان في خيانه وعديتها واضحك عليا في أول الجوازة وقتها علشان أحافظ على بيتي سكت وغير أمها سبب خراب البيت بسبب الفلوس عشان اللي بتصرف عليها منه وبسبب إني كنت رافض تشتغل في المجال ده”.

وأضاف: “تم الطلاق خلاص للأسف كان في خيانه وعديتها واضحك عليا في أول الجوازة وقتها علشان أحافظ على بيتي سكت وغير أمها سبب خراب البيت بسبب الفلوس عشان اللي بتصرف عليها منه وبسبب إني كنت رافض تشتغل في المجال ده”.

تابع: “أمها مكنش عندها مانع تتنازل في المجال مقابل الفلوس بس كل حاجه بالدليل فضلت تحاول لحد ما خربت البيت وخده مني فلوس كتير هي وأهلها واتهجموا عليا وخدو العفش، وبيعوني العربية وكل حاجه بالدليل وحقي عند ربنا وحسبي الله ونعم الوكيل في خرابه البيوت أمها”.

اختتم حديثه قائلاً: “والله كل الفلوس اللي خدوها وكل حاجه عملتها هبينها وأنا مطلعتش عمري اتكلمت من غير دليل أو إثبات بس للاسف وبجد علي غزلان ربنا نجاه اليومين دول هنزل الحاجات للاسف أهلها بعد أم شلتهم وصرفت وعملت عملوا اللي ما يتعملش معايا”.

وتعتبر هذه المرة الثالثة التي تنفصل فيها منة عن محمود بعد انفصالين غير رسميين، حيث انفصلا بعد أشهر قليلة من زواجهما دون طلاق ثم عادا سريعاً، ثم انفصلا بعد عام من زواجهما انفصال ثانِ دام شهرين فقط.

منة ومحمود احتفلا بعقد قرانهما أواخر شهر يونيو ٢٠٢١، وشارك محمود المهدي حينها صورته مع منة عرفة معلقًا: الحمدلله تم كتب الكتاب اليوم، بحضور أفراد العائلة فقط، وهنعمل فرح إن شاء الله بعد فيلم 666.

فيما كتبت منة عرفة: وكتبنا الكتاب في جو عائلي جدًا.. تم عقد قراني، والحمد لله الذي بنعمته تتم الصالحات.. اللهم بارك لنا وبارك علينا وأجمع بيننا في خير.

اقرأ: منة عرفة تعاني من الحسد! – فيديو

وقالت الفنانة منة عرفة، في وقت سابق، إنها لا ترغب في عمل حفل زفاف، والسبب في ذلك أن فكرة الفرح يستفيد منها المدعوين للحفل، وليس الزوجين.

وأوضحت منة عرقة خلال استضافتها في برنامج The insider: كنت أرغب في عمل حفل زفاف اليوم قبل الغد، ولكن الموضوع صعب، وكل البنات المقبلة على الزواج ستفهمني.. فكرة جلوسي مع منظم لحفل الزفاف صعبة وأنا مش فاهمة حاجة في الكلام ده، أنا بالنسبة لي تزوجت من الأساس.

واستكملت: أنا شايفة أن الفرح فكرته زيطة، وإحنا بنتبهدل في الفرح، وبنصرف فلوس كتير جدًا، الناس اللي بتيجي هي اللي بيتعمل لها فقرات، وبتأكل وتشرب وبتكون مرتاحة، ليقاطعها الحديث زوجها قائلًا: ومش بيعجبهم، وفي النهاية بيتريقوا على الفرح، ويقولوا شوف العروسة لابسة إيه، وليه التربيزات عاملة كده، وأنا بشوف الكلام ده بيحصل فعلًا.

في وقت سابق، أثار محمود المهدي جدلًا كبيرًا، بعدما نشر صورة له، تجمع منة عرفة مع طليقته الثانية، معلقًا عليها: الزوجة الثانية والزوجة الثالثة دون الكشف تفاصيل أخرى، مما أثار حالة من حيرة الجمهور، وسر هذه الصورة التي جمعت الطرفين وهل زوجته الثانية ما زالت على ذمته.

محمود المهدي تزوج مرتين قبل إعلان زواجه رسميًا للمرة الثالثة من منة عرفة، ولديه 3 بنات من زوجته الأولى.

Copy URL to clipboard


























شارك الموضوع

Copy URL to clipboard

ابلغ عن خطأ

لقد تم إرسال رسالتك بنجاح

نسخ إلى الحافظة

أدخل رقم الهاتف أو بريدك الإلكتروني للإطلاع على آخر الأخبار