دافع الإعلامي اللبناني طوني_خليفة عن المطربة اللبنانية ماجدة الرومي عقب الحملات ضدها على السوشيال ميديا.
اقرأ: ماجدة الرومي تتعرض لحملة توبيخ!
وضمن برنامجه (استديو العرب) على قناة (مشهد) قال طوني:
(مبارح وبحفل للسيدة ماجدة الرومي في امارة ابو ظبي قبل ما تغني دايمًا بتوجه بعض الكلام في السياسة والانسانية عن الوضع بلبنان. لكن هالمرة ما منعرف ليه اعتبروا انو يالي قالته ماجدة اساء للبنان ولصورته وللشعب اللبناني واصبحت ترند بلبنان والكثير من الاتهامات والشتائم انو انتِ كيف بتفضحي لبنان وانت خارجه؟ باعتبار ما حدا عارف شو عم بصير عنا بلبنان، وما كأن حدا عارف انو نحن بلا رئيس للجمهورية صرلنا ما بعرف قديه.. ما حدا عارف انو مصرياتنا انسرقت من البنوك، والزعران يالي حاكمينا هنّي يالي سرقونا)
اقرأ: ماجدة الرومي ترد على حملة التوبيخ!
وتابع طوني متهكمًا مِن مَن هاجم الماجدة: (مش عارفين من عن يسرق مصريتكن بلبنان، والوضع الامني بلبنان، مش عارفين انو بالقضاء تدخلون من مكان وتخرجون من مكان اخر، والمجرمين يالي طالع بحقهم مذكرات توقيف ما حدا بجيبهم لانهم مدعومين.. مش عارفين انو بلبنان عم بتموتوا تلى ابراب المستشفيات، وانو ما بقى فيكم تجيبوا دواء وانو كيف عم بنهرّب البنزين والمازوت من عندكن.. ما حدا عارف هيدا سر بلبنان ما حدا معه خبر!)
وأضاف ساخرًا منهم: (ماجدة الرومي فضحتنا يا عيب الشوم.. ما كان حدا معه خبر شو عم بيصير فينا.. كيف يا ماجدة بتعملي هيك وبتخبري العالم انو نحن بلبنان هيك..)
اقرأ: ماجدة الرومي وحماس وجوليا بطرس، وممتلكات الماجدة!
وتابع طوني: (ماجدة الرومي قالت بالاول نحن ناطرينكن على الصيفية لبنان يالي ما انتهى ولبنان البلد الحلو يالي بحبكم.. بس انتو اخترتوا يالي بدكم ياهم واقطّعتوه.. يمكن كان كل همكم انو ماجدة اشادت بدولة تانية انتو على عداء معها محوري معه وهيدا السبب الاساسي. تقارنوها بجوليا بطرس؟! فكركم لو جوليا كانت عم تغني بالامارات او ابو ظبي ما كانت قالت نفس الشي عن امارات وابو ظبي؟ اسألوا جوليا! اذا ما بتحكي قد ماجدة على عشرات المرات)
وأكمل: (بلحظة صارت ماجدة الرومي عميلة ومترزقة! اي حدا بيخالف رأيكم وسياستكم وتوجهاتكم دغري بصير عميل وخاين)