علق الفنان المصري رامي_جمال، على تصريحات الملحن عمرو مصطفى بشأن أن المبدع والمغني عبارة عن أداة واختلف معه ووصفه بالشخص النرجسي.
قال رامي في تصريحاته: (لأ طبعا أرفض الكلام ده.. أعوذ بالله).
تابع رامي: (مفيش حاجة في الدنيا متوقفة على شخص، والملحن الشاطر من غير كلمة وشاعر شاطر أداة، ومن غير موزع شاطر أداة، والمطرب الشاطر هو الفاترينه اللي من خلالها عرف وقدر يكون شاطر).
اقرأ: طارق العريان يتزوج وهذه العروس – صورة
اضاف: (في نوع من النرجسية أنا مبحبوش، لكن لسه مين مزعلوش.. مبقاش عنده حد لسه مزعلوش.. عاب في كل زمايله، والأحسن بدل ما نعيب في بعض نكبّر بعض أحسن، عمرو من جواه طيب، لكن اللي بيشوفوا المشاكل ناس عادية، فليه نصدّر للناس مشاكلنا.. كلنا مراكبنا ماشية بفضل ربنا مش عشان إنت اللي بتقدف فيها).
لم يصمت عمرو أمام تلك التصريحات، وشن هجوماً كبيراً على رامي قائلاً:
(هو أنا أترككم تتعدوا بشكل غير قانوني على ألحاني يعني، ولحن تم غناؤه في برنامج على الهواء خدته وعملت منه أغنية، وصورتها وفي الآخر طالع تقول عليا نرجسي، نحن في زمن يصدق فيه الكاذب ويكذب فيه الصادق).
تابع: (أقسم بالله لو شوفتك في أي مكان أنت وأشكالك لن تجدوا مني غير نظرة احتقار، وأوعى تجري تسلم عليا زي ما عملت قبل كده، علشان حهزأك، وأوعي تجيب اسمي تاني في مكان علشان هقاضيك انت وكل إلى شبهك مطربي الدرجة الخامسة.. زمن الرويبضة).