حلت الفنانة المصرية فيفي_عبده، ضيفة على برنامج (مع الفارس)، الذي يقدمه المذيع العراقي نزار الفارس عبر قناة “الرشيد” العراقية، مساء الجمعة.
أجابت فيفي على تساؤل: “هل أنتِ مستعدة لكتابة لقب الراقصة على قبرك؟”.
اقرأ: فيفي عبده الراقية جدًا هكذا اعتذرت عن صورتها في غرفة النوم- صورة
قالت فيفي: “مينفعش.. إزاي تحط الراقصة! هو أنا رايحة بلقبي كراقصة! أنا بقول لربنا إني بحب الرقص، لكن يمكن أكون غلطانة واللفظ ده غلط”.
تابعت: “ربنا اللي بيحاسب مش أنت ولا أنا، ومش هخلى حد يحط لقب على مدفني إطلاقا، أنا مش هبيع شهرة وأنا ميتة”.
في الوقت نفسه أكدت أن “بيتها مليان سحر، ولكن أنا مخليها على الله ومفوضة أمري سبحانه وتعالى”.
كما تحدثت عن حياتها في الطفولة، قائلة: “أنا معشتش وأنا صغيرة، وبتمنى من الله دلوقتي إني أعيش، ويديني شوية عمر مع الصحة وأمارس الحاجة اللي بحبها، وأقعد مع أحفادي الصغيرين، لما بيقولي يا تيتة بيقولوا يا تيتة من قلبهم، أنا عاوزة الصدق ده”.
وعن تفوق الراقصات الأجانب على الساحة حاليا مقارنة بالمصريات، قالت عبده: “الأجنبية رخيصة جدًا في أجرها، ومبقاش حد بيمد إيده لبنت عندها موهبة وعاوزة توصل”.
اقرأ: فيفي عبده من يصدق عمرها وما سرّ شبابها؟ – صورة
وعن مواجهتها للانتقادات، قالت: “معنديش أعداء نجاح، لأن كل واحدة ليها لونها، وعمري ما برد على أي كومنت موجهه ليا طالما راضية باللي أنا بعمله خلاص، وبعمل الحاجة اللي حباها والأغنية اللي بحبها والكلمة الحلوة”.
اعربت فيفي عن ندمها على تصوير بعض الفيديوهات بعد نشرها: “فيه رقصات باضطر أرقص عليها” لافتة إلى أن هناك بعض المشاهد التي صورتها في الأفلام والمسلسلات وندمت عليها.
كما كشفت عن قيمة مهرها، قائلة إن مهرها 25 جنيها: “طالما يبقى راجل، 25 جنيه، بس عاوزه راجل، ليه المهر يبقى غالي؟ الغالي اللي هاخده مش الفلوس، اللي يهمني يبقى راجل غالي ويحافظ عليا ويحترمني ويحافظ على اسمي”.
كما تحدثت عن عادتها التي لا تتخلى عنها أبداً: “أنا قبل ما بعمل أي حاجة بقرا قرآن، حتى قبل ما بطلع من بيتي، كل واحد حسابه بينه وبين ربنا، لازم اقرأ قرآني اللي أنا حسيت إني حصنت نفسي بيه”.
https://youtu.be/ynLgJAq6jwc