أمس هاجمت الممثلة اللبنانية سهى قيقانو مقدّمة برنامج (Fi-Male) كارلا حداد، وذكّرتها بحادثة طردها من قناة (أم تي في) والتي نفتها كارلا مرارًا وتكرارًا.
تبدو وكأنها عايرتها بطلاقها من طوني أبو جودة، وكأن الطلاق جرم تُحاسب عليه أو تُهان بسببه المرأة، ونستغرب أن تفكر ممثلة بحجم سهى بهذه الطريقة الذكورية.
إقرأ: كارلا حداد تعلن طلاقها من طوني أبو جودة!
انفعال سهى أتى بعدما طُرح اسمها خلال البرنامج بطريقة ساخرة، ما أغضبها.
كارلا ردت بقسوةٍ عليها: (أنا كان عندي قناعة إنّو ما لازم ولا مرّة ردّ أو إنزل لمستوى ما بليق فيّي، بس سكوتي تُرْجِم بالضّعف و سمح لأهل الباطل يتوهّموا إنّن على حق. بسمح لحالي إنزل لمستوى و ردّ على شنعاء كنت إشفق عليها قد ما بيحكوا عنها بالعاطل. قالت أنا مشحوطة من ال.أم.تي.في. و أنا ح ردّ عليها و قول).
تابعت: (مع إنو الموضوع صار قديم بس أوّل مرّة بحكي فيه: أنا تركت المحطّة بعد ما عرضت عليي برنامج مع ماريو باسيل إسمه “حبّك نار” ما كان بيرضي طموحي خاصة بعد ٣ سنين من إنتظار موسم جديد من ” رقص النجوم”، و لأمور كتيرة بتحفّظ عن ذكرها… و المعنيين بيعرفوها كتير منيح).
أضافت: (الشنعاء قالت إني هبلة، أكيد هبلة بالمواضيع يلي هيّ ،حسب ما بسمع عنها، ضليعة فين ( ما قصّر فيها مروان نجار) و طلعت هي مشحوطة من أكتر من مكان لعدم دفعها أموال مُستحقّة. و ما بعرف ليه عم تنعتني بالمطلّقة. أنا طليقة حرّة من أفكارك الوسخة و مستواك الرخيص).
أكملت كارلا: (وبعتذر عم بحكي بموضوع سخيف، وفي مواضيع معيشيّة ومصيريّة عم بعيشها شعبي وبلدي الحبيب لبنان. حقكم علي).