منذ سنتين احتفل راديو إنرجي 92.1، بالفنان مصطفى_قمر، والذي كان نجم شهر مايو وذلك في حلقة اليوم الثلاثاء مع سلمي قاسم وعلى مدار ساعتين كشف قمر العديد من كواليس أعماله.
اقرأ: أنغام في المستشفى وتثير قلق الجميع – صورة
اعلن مصطفى قمر تفاصيل أزمة برنامجه “5 نجوم”، قائلاً: “بعض الأمور وصلت للمحكمة الآن والدعاية ماعجبتنيش ولازم أخد حقي ويكون في اعتذار عن اللي حصل بخصوص الدعاية، وسأقدم كل الأوراق التي تثبت حقي”.
وعن السينما وآخر أفلامه “فين قلبي”، قال أن الفيلم تعرض للظلم، قائلاً: “انا قدمت اللي أنا عايزه والفيلم اتعب فيه جامد وحالياً سيتم عرضه في أكثر من قناة”.
وقال مصطفى قمر إنه كان من المقرر له أن يشارك في السباق الرمضاني الماضي ولكن بسبب تأجيل التصوير والتأخير في بدأ التحضير الجيد للمسلسل تم تأجيله وتغيير فكرته.
وتابع حديثه عن الأعمال الغنائية التي قدمها ومنها أغنية “زحمة الأيام”، قائلاً: “بعتبرها اتعملت لتكريم الشاعر سامح العجمي والملحن أشرف سالم اللي اتوفوا واحنا شغالين على الأغنية، وكنت متأثر جدا واحنا بنصورها، الجمهور كان في حاجة إلى هذا التعاون”.
وقال نجم شهر مايو مصطفى قمر: “أغنية “يا طبطب يا ادلع” اتعرضت عليا بس قولت لأيمن بهجت قمر وطارق مدكور يدوها لنانسي عجرم.. حسيت إنها لايقة عليها وفعلا كسرت الدنيا معاها”.
وأكمل حديثه: “هنقول احنا لسة حبايب” خدتها من عمرو مصطفى وبعدها قالي إن عمرو دياب عايز يغنيها فقولتله ياخدها بس لو مش هيقدمها هاخدها تاني.. وعمرو دياب غناها فعلا مرة في حفلة ومحسهاش”.
وعن السوشيال ميديا ومطربي الراب، قال مصطفى قمر: “مش دايما بتابع السوشيال ميديا.. حاجات كتير مبتعجبنيش لأنها بتبقى متحررة اوي، واحيانا كتيرة مش بتعجبني فيديوهات التيك توك”، وبتعليقه على أغاني الراب، قال: “ويجز ومروان بابلو والناس دي عاملين شغل كويس لكن الموضوع اتطور وبقى في شتيمة في الأغاني ودي حاجة مش مقبولة ومش مفهومة بالنسبة لي.. الفن ألذ من كده بكتير”.
)
