بين ليلة وضحاها، وبعد هدنة وقف اطلاق النار في لبنان، اشتعلت الحرب في سوريا مجددًا، وسيطرت الفصائل المسلحة (الدواعش) على حلب وقلعتها التاريخية، وأعدمت عددًا من الجيش السوري النظامي، وكذلك سيطرت المعارضة على عدد من مناطق (حماه) مقابل انسحاب الجيش السوري بلا أي مقاومة بحسب الأخبار المتداولة.
اقرأ: مكسيم خليل يوجه رسالة لروح والده
الممثل السوري مكسيم خليل المعارض والذي أعلن عن ولائه للمعارضة منذ العام ٢٠١١، وهجومه على نظام السوري ورئيسه بشار الأسد، عاد ليغرّد بعد سيطرة فريقه السياسي، وحرّض الشعب السوري على التغيير بعيدًا عن الخوف.
اقرأ: (ابتسم أيها الجنرال) العمل الأجرأ في مسيرة مكسيم خليل
وكتب: (إلى اهلي السوريين بكل المناطق السورية.. لكل حدا عميشوف الڤيديوهات و الاخبار بالوقت الحالي ..بالسر او بالعلن.. لكل خايف.. لكل مبسوط.. لكل زعلان.. لكل مترقب.. لكل شمتان.. لكل قلق.. لكل منتصر ولكل إيد بتفكر بالانتقام من الإيد التانية.. نحن جسم واحد.. نحن لسنا أعداء.. نحن اهل.. نحن بس مفرقين مقسمين بالدم عن سابق الاصرار ايديولوجياً.. طائفياً.. مناطقياً.. عقائدياً.. وكل المسميات.. بس الاكتر خطورة بعلاقتنا هو “الأنا” يلي عم تسيرنا “الإيغو ” هو يلي بخوفك تشوف الحقيقة.. بخوفك تطلع من دائرتك يلي هي منطقته الآمنة ..هو يلي بخليك ماتعترف بخطئك .. او حتى تقبل تشوفه او تشوف حق الآخر.. ومابخليك تغير قناعاتك يلي زرعوها فيك.. ليمشوا مصالحهم)
اقرأ: إبن مكسيم خليل الروسي من يشبه؟ – صورة
واضاف مكسيم: (افتح قلبك ايها السوري ولا تخاف اتطلع على مرايتك بطريقة تانية… جرب.. جرب اطلاع من دائرتك وشوف المشهد من برا.. شوفه من وجهة نظر الآخر.. شوف مطالبه.. شوف مخاوفه.. شوف مظلوميته.. صدقني رح ترأف فيه وتساعده. لانه مظلوميته هي بالنهاية بتكمل مظلوميتك.. أنا متأكد انه كلنا بدواخلنا وبلحظة صادقة منعرف الحقيقة ومنعرف السبب.. والاهم انه كلنا منعرف الحل.. بس نحنا متمسكين بأفكارنا.. شو منبع هاد التمسّك؟ الخوف.. وعدم الثقة بالآخر يلي هو منبعه كمان الخوف.. إذا بتفتح عقلك شوي رح تشوف انه تقريباً كلشي جواتك جذره “خوف”. وهو نفسه الخوف ممكن يحولك لظالم لجلاد لحاقد لمجرم لجبان لانتهازي لحيادي ويجردك حتى من الأمل .. وممكن يحولك لسجين طليق سجين افكارك ومخاوفك واوهامك)
اقرأ: مكسيم خليل هكذا يداعب ابنه – فيديو
واختتم مكسيم كلامه: (عندي ايمان مطلق انه الغالبية العظمى من الشعب السوري طيب ومحب كريم شهم عنده كرامة.. وهاد عن تجربة مو كلام.. ومتل كل شعوب العالم في ناس عاطلة ومصلحجية وغير محبة. هدول بسيطروا لانن بلاقلب ابداً مو لانه عندهم قلب متل “مابخلونا نفكر” الحل لسوريا هو جوات كل سوري رح يفتح قلبه لباقي السوريين.. جوات كل سوري بيتحكم بمخاوفه ومعتقداته في سبيل حرّية إنسان آخر. جوات كل سوري بيهزم الإيغو تبعه وبصير ولاءه لسوريا العظيمة فقط. يمكن حدا يسأل شو نفع هاد الخطاب بوقت السلاح عميقول كلمته الحقيقة: هاد الكلام وقته هو تحديداً وقت الرصاص)