كشفت الفنانة المصرية مي_عمر، عن كواليس عملها مع الزعيم عادل_إمام قائلة: “رفضت بطولة بعد مسلسل الأسطورة، وكنت عايزة اشتغل مع نجوم كبيرة قبل ما اعمل بطولة، واتعرضت عليا رواية اسمها رغم الفراق ومنزلتش”.
وقالت مي عمر، خلال استضافتها ببرنامج “أسرار” مع المذيعة أميرة بدر المذاع على قناة النهار: “خُفت من الشغل مع الاستاذ عادل إمام، ومن اول شغلي كان حلمي اشتغل معاه، وقبل التصوير بيوم منمتش، وقعدت احفظ كتير عشان منساش”.
اقرأ: محمد إمام يرد على قضية كلمته لفلسطين في السعودية!
تابعت: “ولما رحت التصوير فجاءة لقيت الاستاذ عادل بيطمني وبيقولي مبروك اول يوم ومتقلقيش، واتعلمت منه الالتزام والثقافة وأنه بيتابع وبيتفرج على كل الأعمال، وموصلش للي هو فيه بسهولة، كنت بقعد معاه اهريه أسئلة، وكلمني تاني يوم عرض المسلسل وقالي مبروك انا اتفرجت وهتبقي ممثلة مهمة، واتكلم عني في الصحافة بكلام حلو اوي، وقال احساسي عالي”.