أطل الفنان اللبناني الشامل زياد_برجي ضيف الحلقة الثانية من الموسم الثاني لبرنامج (المجهول) تقديم الإعلامي اللبناني رودولف_هلال.
خلال الحلقة عرض رودولف على زياد النجوم الذين علّقوا على ازمته مع اليسا في ما يخص اغنية (انا وبس) او و(بطير) ومن بين النجوم كانت النجمة اللبنانية نادين_نجيم التي كتبت تعليقًا حول القضية ولم تقف طرفًا لا مع اليسا ولا مع زياد.
وكتبت آنذاك: (بس ما فيك تسأل هيك لأنوا في بيع وشراء يعني في حقوق وملكية يعني كإنوا بعتك بيتي وجيت سكنت معك.. ما في طرف بالموضوع في منطق وحقوق وواجبات أنا هيك بشوفها، صراحة يمكن يكون في حلقة مفقودة نحنا ما بنعرفها كرمال هيك لازم ما نحكم ولا ناخد طرف أصحاب العلاقة لازم يحلوها، هني بيعرفوا مين الغلطان فيهم، وبحبهم الاثنين كتير وصوتهم رائع والله يصلحها، بيناتهم، لأنه التعاون أثمر عن أغنية كتير حلوة ونجاح كبير للفريقين لازم يستثمروا هل الشي اكتر مش يدمروها)
ويبدو ان زياد لم يقرأ كل تعليق نادين واكتفى بأول سطرين، وردّ عليها:
(ألطم، انتف شعراتي، الله يسامحها، نادين ممثلة لبنانية بحترمها جدا ولا مرة حكيت عنها إلا بكل خير والتقيت فيها مرة ببيت المنتج صادق الصباح كان لقاء جميل جدا، صرت عامل تقريبا 10 مسلسلات و6 – 7 أفلام، بـ10 سنوات، وكل ما يسألوني عبر الإعلام عني كممثل كنت دايما قول أنا بعتبر حالي ضيف على المهنة العريقة وبتمنى أكون ضيف خفيف ولم أعتبر حالي ممثل مثل قصي_خولي او نادين_الراسي)
وتابع زياد: (هيدا موضوع بدوا تفرّغ، أنا شخص عندي شوية إحساس بالكلمة وباللحن وعندي نغم وقد يكون عندي موهبة التمثيل بس اللي بعرفوا عن التمثيل ما بخوّلني أعطي رأيي بأي ممثل أو مخرج وما سمحت لنفسي إني قول إلا إنك فنانة لبنانية بتبيضي الوجه)
وأضاف: (أول شي طالعة تحكي بالأغاني، كم غنية عملتي؟ أنا قلتلك كم مسلسل وفيلم عملت، وما سمحت لحالي أطلع اتفلسف وأنظّر وأحكي عن شي ليس من اختصاصي، شو بعرّفها بعالم الأغاني؟ هي يمكن تكون مطّلعة ولكن مش متخصصة)
ووجه نصيحة أخوية لنادين: (بحب أنصحها نصيحة لأنوا هي كمان فاتت لعندي وحكمت علي قررت إنوا أنا محقوق، فإذا أثبت القانون إنوا مش مزبوط، شو بتعملي قدام الجمهور اللي بحبك وبصدقك؟، بحب انصحها نصيحة أخ، النجومية مسؤولية ومواقف، تُحسب إلك وعليك)
نادين تفاجأت من كلام زياد وتساءلت ماذا حصل، وكتبت: (بس حدا يفهمني شو صاير؟ لانه ما عندي علم بشي وغنية ؟ ايا غنية ليش انا بغني؟)
وعادت ونشرت كل تعليقها حول صراع الاغنية بينه وبين اليسا، وقالت: (هيدا التعليق شو في شي غلط ؟ بتأسف انه انفهم بغير نية مع انه رأيحيادي وفي محبة للطرفين والله يصلحها بيناتن بالنهاية. ورغم يلي قاله صراحة بعدني بحبه وبحب اغانيه وصوته الحلو وهو حر يفهمها متل ما بده)