حضرت الفنانة المصرية هالة_صدقي، ندوة تكريمها في الدورة الـ12 من مهرجان الأقصر للسينما الأفريقية.
تحدثت هالة خلال الندوة عن امكانية دخول ابنائها عالم التمثيل، وقالت: (لما بيجيلي حد من أصحابي عايز يدخل المعهد بنصحة أن لأ عشان هتعمل إيه، أنا لو ولادي هقولهم لأ مش هينفع لأن أنا مليش مستقبل مليش ضمان مليش تأمين ولا معاش لو أي فنان جراله حاجة في أي لحظة اتركن وقعد، لو فنان عمل أي غلطة في حياته الناس بتقفل منه، الفنان عامل زي لاعيب الكرة لو اتخبط خبطة حياته انتهت).
إقرأ: أمل بوشوشة مع طفلتها ولم تفعل مثل العربيات!
ووجهت هالة نصيحة للفنانين أن يكون لهم مصدر رزق من خلال مشروع آخر، موضحة أنها بدأت بالفعل في مشروعها الخاص وقالت: مهم يكون للفنان مشروع خاص وأنا بعمل مطعم لأن الفن الحكاية اختلفت في صفحة اتقلبت وأنا بنصح أي فنان يعمل مشروع غير الفن.
أما عن عدم مشاركتها في اعمال مسرحية قالت: أنا عاشقة للمسرح وأتمنى العودة إليه والفترة الأخيرة كان في عروض مسرح كتير لكن ده مش مسرح إحنا بنروح نعمل اسكتشات.
وتابعت: حتى لو في جمهور للفن المصري والفنانين المصريين، لازم يبقى في شوية كنترول وتنظيم للفرق المسرحية اللي بتسافر تعرض في البلاد العربية لأن في الآخر اسمها فرق مصرية، مهم أوي أننا نعرف أحنا بنقدم إيه ونستغل الفرصة أن في جمهور عايزنا، لما احنا بنعمل عرض لمجرد أن يومين 3 وقرشين وخلاص دا يقطم لك السكة اللي بعد كده وبدل ما أنت بتاخد قرش هتاخد 10 بس اثبت وجودك، مش التفكير المادي هو نمرة واحد، أنت هتقدم إيه عشان تحقق ماديا بعد كده، لكن للأسف في حالة استسهال وتسيب شديد جدا.