منذ 3 سنوات كذبت الفنانة المصرية هالة_صدقي، احد المواقع الصحافية الذي نشر خبراً مفاده إنها فلسطينية حيث ولدت لأب فلسطيني وأم مصرية.
أكدت هالة إن اصولها صعيدية، وعلقت قائلة:
(انتشر البوست ده من مده ونزل علي مواقع كتيره، ولكن للتوضيح انا يشرفني اني اكون من اي بلد عربي ولكن للتوضيح انا مصريه ومن جذور مصريه واصل جذور الاب من صعيد مصر المنيا والام اصل جذورها من صعيد مصر ايضا بالرغم انها كانت شقراء ولكن جذورها من الصعيد . صعيديه اصلي وافتخر).
من جهة أخرى أصدرت محكمة الأسرة في قصر النيل، قراراً قضت فيه بحبس زوج الفنانة هالة صدقي، بعدما رفضت الدعوى التي تقدم بها بشأن إنكار نسب طفليها، وحكمت المحكمة بإثبات نسب الطفلين.
وأوضحت المحكمة أنه سيتم حبس زوج الفنانة هالة صدقي، شهراً لامتناعه عن دفع متجمد نفقة قدرها 320 ألف جنيه لصالحها.
اقرأ: زوج هالة صدقي يفضحها ومحاميه يتنحى وهكذا ردت
وكانت محكمة الأسرة قضت في حكم سابق بحبس زوج الفنانة هالة صدقي شهرا لامتناعه عن دفع متجمّد مبلغ النفقة المحكوم لها ولأولادها به وقيمته 155 ألف جنيه.
زوج هالة صدقي، كان ظهر في فيديو، وأكد على أنه لن يتنازل عن حقوقه، وقال: “أنا مش هتنازل عن أي حاجة، وبستغيث بالنائب العام، أرجوك ساعدني، أنا مش طالب غير حقي، وعايز أعرف دول ولاد مين؟ أنا متأكد طبعًا إنهم ولادي 100% لكن عايز أعرف مين أمهم وإزاي هي تعمل كده”، مضيفًا: “القضية تخصني وأنا اللي هترافع لأنها قضيتي”.
هالة صدقي علقت على تلقيها إنذارًا بالطاعة من زوجها، وقالت: “الراجل بينفرد بقضايا متنوعة مختلفة، يعني عنده الإبداع ده، والحقيقة كل القضايا اللي رفعها، هو مكسبش ولا قضية”.
تابعت “صدقي” خلال مداخلة هاتفية مع برنامج “كلمة أخيرة” المذاع على شاشة ON وتقدمه الإعلامية لميس_الحديدي: “هو نزل النفقة النص بتاعة مدرسة الولاد، لكن هو بيبدع، ومرة يشكرني ومرة يشتمني، ومرة يبعت رسايل يتأسف ويقول أنا هبقى كويس، وتاني يوم تلاقيني بتشتم مش عارفة ليه”.
اقرأ: معجزة حدثت مع أمل حجازي ونضال الأحمدية – فيديو
استكملت: “ممكن عنده علاقات كتيرة وكل واحد بينصحه بنصيحة، لكن أنا الحقيقة ست ملتزمة، أنا في الطاعة بتاعتي تمام أنا ملتزمة جدا على فكرة، بس إحنا اتجوزنا في بيتي في شقتي وخلفت في شقتي، فهو فين الشقة؟ هو طبعا قالب الأحداث، كاتب إن شقة الزوجية على عنوان أبوه، الحقيقة إن هو كل عناوينه على عنوان بيتي، بس أنا معاه وملتزمة بس فين الجثة؟ يعني هو في أمريكا، ولا أنا هروح أقعد لوحدي ولا ايه مش فاهمة؟”.
أردفت: “أساسا عند المسيحيين لا فيه طاعة ولا فيه طلاق، لكن هو عايز يعمل شو إعلامي، وأنا هساعده في ده، يعني هو لسه باعت إن الولاد يطلعوا من المدرسة ويروحوا مدرسة حكومة”.
اختتمت: “قال أنا مش مانع ولادي من السفر وهو لحد النهاردة عاملهم منع سفر ورافض يجددلهم الباسبور الأمريكي، بيستعمل كل الوسائل للضغط عليا، هو زودها قوي والأطفال اللي بيدفعوا التمن”.
)
