أدلى السيد حسين حبيب، والد الفنان المصري حسام_حبيب، بتصريحات غريبة، هاجم فيها زوجة ابنه النجمة المصرية شيرين_عبد_الوهاب، واعتبرها لا تستحق لقب صوت مصر، ليناقض نفسه بعدما صرح قبلها إنها تستحق اللقب أكثر من منافستها الفنانة أنغام.
قال حبيب: (إن كنا نريد الحقيقة، ولا واحدة أحق، ولا أحد في هذا الجيل يستحق صوت مصر، كما استحقته العظيمة أم_كلثوم).
تابع: (ونحكي القصة من اربعة اعوام دعتني بنتي شيرين علي طاجن عكاوي من صنع يديها يسلم يديها ونحن مع بعض طاقم عملها ومعهم حسام فقلت لها انتي انعم الله عليكي بلشهرة والمال والقبول والبنات وحب الناس بس ناقصك حاجة واحدة قالت ايه هيا يا بابا).
وأضاف: (قولت لها المجد مثل العظيمة أم كلثوم كان يستقبلها الملوك والرؤساء لانها كانت سفيره بلدها كانت تعمل حفلة كل شهر يحج لها ابناء الوطن العربي كانت تعلي بلدها وتنشط السياحه وتدر دخل للبلد هل انتي عندك استعداد تبقي صوت مصر زيها قالت طبعا قلت لها سيبيني ارتب لك ده وافقت).
استكمل: (تاني يوم اتصلت بالدكتور مجدي صابر مدير الأوبرا الذي تحمس للمشروع وهوه عمل مجموعه حفلات في مصر في الاةبرا والاهرانات والاقشر والقلعه لشيرين وبعدها كبار مطربي ومطربات مصر بلتعاون مع وزاره الثقافه والسياحه ومصر للطيران وكبار منظمي الحفلات قدفي مصر والعالم العىبي واوروبا واخدنا ميعاد واخبرت شيرين بذلك وفرحت جدا الا انه بعد ساعتين اخبرتني انطاقم العمل معها خططوا لعمل اخر وانها بتعتذر).
واختتم حديثه، وقال: “الناس اللي قالت اني بقبض من شيرين عشان قلت انها صوت مصر انا كنت بجامل ابني ومراته لكن للحق انا مافلستش الا من بعد ما تجوز شيرين واخد فلوسي وده الفرق لما كان متجوز هنا بنت الاصول اللي قالت له عيب تاخد فلوس ابوك اشتغل وكفي نفسك”.
اقرأ: شيرين: أشكر نضال الأحمدية عشان سمعتني وتكتمت على الخبر
كانت الفنانة المصرية شيرين عبد الوهاب، أطلت عبر مداخلة هاتفية مع المذيع المصري عمرو أديب عبر برنامجه (الحكاية)، الذي يعرض على شاشة MBC مصر.
اعلنت شيرين لأول مرة عبر البرنامج عن عودتها لطليقها حسام_حبيب عقب خروجها من المستشفى بعدما تعالجت فيها لمدة أسبوعين.
قالت شيرين مع عمرو_أديب:
(أنا زي البومب وحلوة خالص، في حد يبقى بيحبه ناس كتيرة كده وشعوب في وسط مشاكلهم فاكرني، ربنا مايحرمنيش منكم).
تابعت: (لسة بخضع لعلاجي النفسي اللي بخضع له من ساعة ما خلفت مريم وهنا، انا مش محتاجة دلوقتي أي رعاية طبية وباين على صوتي بقى).
ووجهت رسالة للجمهور: (أنتوا تعبتوا فيا وتعبتوا عشاني وممتنة لكل الحب ده، وبشكر كل اللي قال كلمة حلوة او وحشة لان اللي قال كلمة وحشة كان مضايق عشاني).
عن فترة علاجها قالت: (كانت أيام صعبة عشان انا اتاخدت على خوانة، لما صحيت في المستشفى قولت انا قاعدة في مكان أمين وكل الناس اللي فيه بتحبني وخايفين عليا وباكل احسن اكل وبنام احسن نومة، اية المانع اللي ماستفيدش باللحظة اللي بقضيها هنا وارتاح شوية وفعلا عملوا لي شيك اب لكل حاجة وكانوا مدلعيني وانا بقيت احسن).
اضافت: (أنا بشكر محمد سيد عبد الوهاب أنه عرفني بالمستشفى المحترمة دي وعلموني انام بدري واصحى بدري وبشكر صحافة بلدي وصحافة الوطن العربي كله).
استكملت: (هتنازل عن اي بلاغ في حق محمد سيد عبد الوهاب لاني ماقدرش اعمل كده انا شيرين اللي قلبها متسامح وانا بخف كده ولا يمكن ارضى لأمي انها تبات يوم واحد باكية على مخدتها عشان ابنها وبنتها في خلاف).
اعلنت زواجها قائلة: (تم كتب كتابي على حسام وعايزة اقول للناس يدعوا لي كتبنا الكتاب امبارح الساعة ٩ بليل بحضور اقرب المقربين ليا).
واعتذر له قائلة: (بعتذر لحسام عن اي كلام صدر مني في حقه في يوم من الايام، ومن النهارده انا بقفل الباب على حياتي الخاصة وبطمن الناس عليا اني في عصمة راجل طيب جدا وحاميني من البداية ولو طلعت في يوم وقولت كلام عنه وحش قبل كده فا ده شيطان واحنا كان معمول لنا حاجة عشان تبعدنا عن بعض).
ووجهت رسالة لجمهورها: (سيدنا محمد الناس اختلفت عليه ومافيش حد الناس بتتفق عليه، حبي من الاول لحسام كان مبني على المشاعر، لكن بوعد الناس اني في امان وكل الناس ظهر وسند ليا وحسام طيب وحضرتك عارفة وعارف عيلته وعارف انهم ناس طيبين جداً، وعايزة اقفل صفحة حياتي الشخصية مع حضرتك النهارده واتكلم في الشغل والاغاني بعد كده وبس).
استطردت: (بعتذر لأي شخص زعلته في يوم من الأيام، وانا وحسام دلوقتي هننزل ناكل في اي مكان في الشارع براحتنا وبصراحة حسام هو اللي اقنعني).
اختتمت كلامها موجهة رسالة شكر للزميلة نضال_الأحمدية وقالت: (عايزة اشكر الاعلامية نضال الأحمدية لأن الحقيقة النهارده الصبح هي اول من سمعتني وعرفت الخبر واتكتمت عليه ومانشرتهوش، وباركت لنا وبعتت لنا ورد، لما قعدت وسمعت اتبسطت اوي ودعت لنا ودعت لحسام وقالتله انا زعلانة على سوء التفاهم اللي حصل ده).
ليتدخل أديب قائلاً: (الحمد لله ان نضال مانشرتش الخبر دي كانت ممكن تودينا في داهية لو نشرته، بس نضال كان ليها رأي معين في موضوع الجواز). لترد شيرين: (بس ماكنتش عارفة حاجة ولما عرفت باركت لنا).