أعلن النجم المصري ياسر_جلال، عن تبرعه بمبلغ ثلاثة ملايين جنيه لصالح صندوق تحيا مصر اليوم وتعد المرة الأولي التي يقوم فيها النجم ياسر جلال، بالإعلان عن التبرع وجهة التبرع وكشف أسباب ذلك.
وأضاف ياسر جلال قائلاً: “المرة ديه بعلن عن الجهة والمبلغ اللي اتبرعت بيه لاني بتمني ان كلنا نشترك ونعمل اللي نقدر عليه وبدعي زملائي النجوم انهم يتبرعوا باللي يقدروا عليه انا عارف ان في منهم عمل الموضوع قبل كده بس لو عملوا ده تاني يبقي شئ عظيم”.
اقرأ: ياسر جلال هل يظهر في برنامج شقيقه؟
وتابع كلامه قائلاً: “يعلم ربنا ان السبب اللي خلاني اعمل كده هو الأزمة اللي بتمر بيها مصر دلوقتي انا راجل لاغاوي شهرة ولا نجومية انا بشتغل وبخلص شغلي وبروح اقعد مع مراتي واولادي وبعمل ده لان كلنا شايفين ان البلد بيمر أزمة كبيرة والعالم كله بيمر بأزمة كبيرة وان شاء الله الأزمة تعدي لما كلنا نقف جنب بعض”،وحرص علي إنهاء حديثه بالدعاء لمصر .
آخر أعمال النجم ياسر جلال، مسلسل الاختيار 3 في رمضان الماضي وحقق نجاحا كبيرا وشاركه البطولة أحمد السقا وكريم عبد العزيز وعدد كبير من نجوم الفن.