اندلعت الحرب الكلامية مرة أخرى بين المذيعة ريهام سعيد، والرقاصة سما المصري، بسبب قضية فتاة المول، التي تسببت بتوقيف برنامج (صبايا الخير) وسجن ريهام سعيد في قضية العام الماضي مع فتاة المول.
ريهام وجهت لسما اتهامات خطيرة، وقالت: (بشكرك نصفتيني، لو كنت هاعيد وأزيد محدش كان هايصدق. طبختوها عشان تاخدي مليون جنيه، وهيا مليون. آه دم قلبي ومش مسامحه فيه ولا عمري أذيت نملة).
وأضافت: (عملتي المقلب عشان تاخدي فلوس وكله متصور، من قلبي حسبي الله ونعم الوكيل، بعد3 سنين أخيرا الحقيقة ظهرت. الفلوس اللي أخدتيها فلوس حرام، هاتصرفيها على صحتك وهاتشوفي. اتقي الله آخرتك وحشة وهاتشوفي).
وتابعت: (شوفي لك شغلانة بدل ما أنتي شغلتك إهانة الناس. كفاية الفترة الي اتوقفت فيها وأطفال ماتت بسببك. ربنا يجعله من نصيبك. الفيديو اللي صورته البنت وثبت إنها تعرف الراجل كويس موجود على اليوتيوب، ودلوقتي انتي نصفتيني وعرفتي مصر إنك عملتي فيا مقلب عشان تنتقمي مني عشان بس المخرج طلعلك برومو ماسكة فيه أندر وير أحمر في برنامجي).
واختتمت بالقول: (تظلمت وعيطت واتسجنت وأخدت براءة ورضيت بابتلاء ربنا اللي خلاني أحسن وأنتي أخدتي فلوس وقاعدة في بيتك. بس المكانة مش في الدنيا والعبرة بالنهاية. “ذرهم يخوضوا ويلعبوا حتى يلاقوا يومهم الذي يوعدون”. صدق الله العظيم. اتقي الله قبل فوات الأوان).
لكن سما لم تسكت، وردت بقوة على كلام ريهام، قائلة:
(الوليه بتاعت العفاريت دي بتقول اني انا اللي ذقيت عليها فتاه المول وانا اللي افتعلت القصه كلها.. ليه يا روح أمك هو انا اللي قلتلك انشري صورها؟ ولا انا اللي قلتلك اسرقي صورها من على تليفونها ياحراميه الصور؟ وموضوع اني اخدت فلوس منك طبعا أخدت منك فلوس تعويض عن إهاناتك ليا لما قولتي اني اخدت ١٠ الاف جنيه وماجتش البرنامج اخدت منك بدل الـ ١٠ الاف أضعاف أضعاف الفلوس دي …وبتقولي انك ماقعدتيش تحت رجليا عشان تترجيني اخلصلك الموضوع عشان ماتتحبسيش وانك مصوراني طيب يلا انشر الفيديو باه عشان الناس تتفرج عليا وانا زلاكي ولما انا متورطه ماروحتيش تشتكيني ليه ولا خايفه تتحبسي تاني؟؟ …هو السؤال بس انتي دفعتي ليا فلوس انا وفتاه المول ليه لما انتي معاكي الحق كده وعامله بورم؟ مش الغلابه كانوا أولى بالفلوس دي يابتاعت الغلابه؟).
وتابعت قائلة: (فرحانه انتي اوي اني قلبتك في فلوس ياحجه؟ هههه..ماهو انا وراكي وراكي محدش هيفضحك غيري طالما انتي بجحه كده يابتاعت العفاريت ولو انا نصبت عليكي يبقي برافو عليا عقبال المره الجايه يابتاعت العفاريت بالشفاء ياروح خالتك).
سليمان برناوي- الجزائر
