هاجمت الممثلة السورية سوسن أرشيد، زوجة المعارض مكسيم خليل، كل الفنانيين الموالين، الذين يهلّلون للنظام السوري، والرئيس بشار الأسد الذي قتل الأطفال والأمهات، بحسب ادعائها.
قالت سوسن المعارضة متهمة الأسد بالهجمات الكيماوية: (مابستغرب من ممثلين مقضيين وقتهون عم يهرجوا لشركات الإنتاج وللدولة ويلي فوق ويلي تحت ويلي بالنص ليحصلوا على دور أو شبه دور إنّو يبيضوا صفحة النظام ويدعسوا على جثث الاطفال يلي ماتوا قدّام اهاليهون وهنن عم يختنقوا من كيماوي قائدكون وجيشو وطيرانه مابستغرب تعملوا اي شي لتضلوا تشاركو بهالمهزلة العظيمة يلي مسمينها دراما بس بحب تعرفوا إنّو حتى بأحلامكون مارح تحلموا تمرقوا من جنبها للريد كاربت بهوليود).
تابعت زوجة المعارض السوري: (انتوا كتير عليكون تمشوا وراسكون بالأرض وفوقوا البسطار للأبد للأبد في شوارع سجنكون الكبير تحت السقف يلي حددولكون ياه وتهللو للطغاة وللغزاة يامهرجين القصر وسيكتب التاريخ إنّو في ممثلين كرمال أجر بلوحة باعوا دم أهلهون وناسهون)
وختمت كلامها: (السلام لأرواح الأطفال والسوريين يلي رحلوا من أجل الحرية والكرامة، والسلام لأصحاب الخوذ البيضا يلي حطّوا قلوبهون على ايدهون لينقذوا ماأمكن انقاذه ولا تآخذونا لما فعل السفهاء منّا)
مكسيم خليل فشل هذا العام كما الأعوام السابقة وقد تكون سوسن غاضبة على خيبات زوجها فانتقمت من كل الفنانين.
