وجه الفنان المصري حسام حبيب، رسالة لزوجته الفنانة المصرية شيرين عبد الوهاب، خلال حلوله صيفاً على برنامج (عائشة شو)، مع المذيعة عائشة عثمان عبر قناتي (القاهرة والناس)، و(النهار).
وقال: (شيرين طلعت في برنامج قريب واتكلمت عني كلام انا نفسي اتفاجأت بيه، عشان يوم تصوير الحلقة كنت انا وشيرين متخانقين خناقة كبيرة جداً من أكبر الخناقات اللي اتخانقناها، فا انا ماحضرتش تصوير البرنامج ده، كنت قاعد برا في البلاتوه، ولحد ما خلصت ماتكلمناش مع بعض ولا كلمة، وماعرفش هي عملت اية وماسألتهاش وشفت البرنامج زيي زي الناس، في سؤال اتسألته فا قالت لهم خايفة لحسن اخسره، الكلمة دي خلتني اعيط.. هو انا في حد بيحبني كده، في حد خايف انه يخسرني؟).
تابع: (أنا عايز أقول لها أنا ماكنتش عارف إني ممكن اوصل بدرجة حب لبني آدم غير أمي للدرجة دي من الحب وأني فعلاً احب اشوفه أحسن مني، أنا عمري ما حسيت الاحساس ده غير لأهلي وكنت متخيل إني ممكن احسه لعيالي، شيرين بحس انها بنتي، وبحس عايز اشوفها احسن مني، وبقولها أنا اللي خايف أنك تبعدي عني).
حسام كان يقصد في حديثه حلقة شيرين مع المذيعة وفاء الكيلاني، في برنامج (المتاهة)، الذي عرض عبر شاشة MBC، حينما قالت لوفاء أن أكثر ما تخشاه هو أن يبتعد عنها حسام وتنفصل عنه.
https://www.instagram.com/p/ByHFiRCjmaI/?igshid=1sr1me7audvdo