أعلن الفنان المصري تامر حسني، ترشيحه لجائزة جينيس ريكورد العالمية، للحصول على لقب أفضل فنان مؤثر في العالم، يوم الجمعة 6 ديسمبر الجاري، في أبوظبي.
قال حسني: (عارف إنه صعب جداً إن محبيني اللي أثرت فيهم من مختلف بلاد العالم إن كلهم ظروفهم تسمح إنهم يقدروا يسافروا في اليوم دا لأبو ظبي بس متأكد ان كتير هيحاولوا و بشكر اللي هيجي واللي مش هيقدر يجي، و بشكر جمهور أبو ظبي و كل الإمارات على اهتمامهم بالحدث من خلال حملاتهم الداعمة اللي شايفها في كل مكان و بشكر كل من يدعمني في بلدي مصر الحبيبة، وأي بلد عربي وعرب المهجر وجمهوري الأجنبي و لو حتى من خلال بوست صغير”
أضاف: (بإذن الله لو تمت فرحتنا هيكون دخولي جينس ريكورد هو انتصار تاريخي لكل مصري وعربي لأني صناعة مصرية عربية وفرحتي الكبرى إني أدخل التاريخ العالمي بالقيمة الفنية التأثيرية وليست العددية، لأن الفن قوته في التأثير المجتمعي والأجمل أنه تأثير في المجتمعات العربية، و كمان إني أحصل عليها في هذا العُمر ليه معنى كبير أوي فوق ما تتصورا يا جماعة مجرد ترشيحي بس دي حاجة كبيرة أوي إنها جاية من قلوب الشعوب العربية لتامر، والله دا مكسب كبير ليا و فوزي بجائزة أشمل فنان في العالم بالتأكيد تفرحني أيضا).
استكمل: (ولكن يسعدني أكثر لو ربنا كرمني و تحقق حلمي بهذا اللقب اللي عشت من أجله و يعلم ربنا عيشته بكل مشاعري إني أوصل لقلوبكم باحترام وأساهم برحلتي ومعاناتي في تشجيعكم الدائم من خلال أغانيا ولقاءاتي، وإن أكون منفذ أمل ليكم ولأحلامكم في عز طاقة الإحباط المنتشرة وسط شبابنا).