أدلت الفنانة المصرية أمينة_خليل، بتصريحات جديدة خلال حلولها ضيفةً على برنامج أدينا بندردش، الذي تقدمه شيرين عرفة ويُعرض على السوشيال ميديا.
قالت أمينة: ذهبت لطبيبة نفسية وتعلمت منها أشياء كثيرة من ضمنها إني أعرف أدافع عن نفسي وأعرف قيمتي، وبحس إن في ناس كتيرة مش بيكونوا عارفين قيمتهم فبيتقلبوا حاجات كتير المفروض مش يتقبلوها.
اقرأ: جيجي لامارا يعلق على خبر طلاق نانسي عجرم!
تابعت: أنا عنيدة ومش بحب كلمة لا ومش بحب يتقالي لا، ومش محتاجة أرضي كل اللي حواليا وفي حاجات في حياتي وقفت فيها وقلت لا، زي إني همثل أو إني هسافر أمريكا، وطالما بحب شخص صعب أقوله لا وممكن أجي على نفسي علشانه، لكن مش لدرجة تقبل الاستغلال أو أذية نفسي، لإن بالعكس ده بيقفلني من الشخص.
واستكملت: كل يوم الصبح بحمد ربنا على 10 حاجات، وبليل برضه 10 حاجات، وبالتالي بيفضل لساني يتعود على كلمة الحمد لله.
وتطرقت لعلاقة والدها بوالدتها، فقالت: الاتنين بيحترموا بعض أوي وبيتقبلوا بعض جدا، وبيخلوا بالهم على بعض وأعتقد إن العشرة بتخلي الناس تزهق من الخناق وأكتر حاجة بحبها في أهلي إنهم مازالوا متمسكين ببعض.
وأشارت إلى أنها لا تحب تعامل بعض الرجال مع السيدات على أنهن بلا رأي، حيث أنها مرت بذلك الموقف من قبل، مضيفة : مش صح إن الست تمثل أنها أقل من الراجل عشان تحسسه إنه أعلى، أصل هتفضل ممثلة وعايشة الكدبة كل ده، والمفروض إنها لا تقلل من نفسها عشان الطرف التانى يحس إنه أعلى وأفضل، ومهما حاولت تمثل هيبان في مواقف قوتها، وبالتالي ليه نمثل، وأنا مش بحب إن الرجالة يتعاملوا مع الست على إنها شئ بلا رأي أو فكر، وأنا اتحطيط في الموقف ده قبل كده.