ردت المطربة المصرية آمال_ماهر، على الفنانة شريهان، برسالة بعدما أشادت بها عقب ظهورها في فيديو لتطمئن جمهورها.
كتبت شريهان عبر صفحتها: “الجميلة المبدعة الغالية، بنت مصر وحشتينا ووحشتي قلبي يا بنت قلبي وحشتي مصر والعالم العربي نحن جميعاً في انتظار إبداعك الذي لا يشبه إلا آمال ماهر سلامتك يا بنت قلبي وقلوب كل المصريين”.
اقرأ: آمال ماهر تطل أخيراً في فيديو وتوجه رسالة للجمهور: أنا بخير – فيديو
وحرصت آمال على أن ترد عليها وكتبت: “أولا في البداية في وجود حضرتك يا ست الكل مفيش مبدعة وجميلة غيرك ولو أنا وحشت قلبك ف انتي بتوحشينا وأنتي قصاد عيونا الله يخليكي جميلة ومبدعة ومشرقة ومتميزة وأيقونة مصر والوطن العربي التي لن تتكرر”.
كانت الفنانة آمال ماهر اوضحت سبب غيابها عن جمهورها خلال الفترة الماضية وقالت: “معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا”.
وشوقت المطربة آمال ماهر جمهورها إلى أعمال جديدة وقالت في فيديو :” انتظروني قريبا”.
وأكدت آمال ماهر، إنها مازالت تعاني من أزمتها الصحية، بعد إصابتها بفيروس كورونا، مضيفة “مش قادرة أتكلم”، وردًا على المشككين في ظهورها الأخير قالت “أنا والله، وبعتذر للجمهور كنت في حالة سيئة جدا، تعبانة جدا، الكوفيد تعبني بشكل فظيع، زي ما أنتم عارفين يختلف من شخص للتاني، عندي: ضيق نفس، صداع، وعضمي واجعني مفيش حاجة مكانتش مش موجودة، الحمد لله كنت فين وبقيت فين”.
وأشارت آمال إلى أنها أصيبت أكثر من مرة بكورونا، موضحة “انا وكورونا صحاب مش أول مرة، أول مرة مكانش حد عارف دي ايه ولسه من ست شهور وبعدين دلوقتي، جربت كل المتحورات، بقينا صحبة انا وهي”.
اضافت: (والله يجماعة دي أنا وكنت في حالة سيئة جدا بسبب الكورونا، وصوري مش قديمة كانت قبل مااتعب بيومين).