تحدثت الفنانة المصرية دينا_الشربيني، عن أسوأ لحظة قي حياتها، موضحة إنها لحظة تلقيها خبر وفاة صديقها الفنان هيثم أحمد زكي يوم 7 نوفمبر من العام 2019.
قالت الشربيني، خلال لقائها مع أنس بوخش في برنامج AB Talks عبر موقع “يوتيوب”: “أصعب لحظة في حياتي لما واحد صاحبي أوي توفى، توفى في البيت جاله هبوط، ده هيثم زكي الله يرحمه”.
اقرأ: شيرين تبكي: أمه كتبت وأنا بدي رجال وحاولت كل حاجة عشان أموت – فيديو
أضافت: “كنت أعرفه من زمان، بكره فكرة الموت، مش عايزاها أصلًا تيجي في دماغي، ولكن الموت بيجي في ثانية، هيثم كنا كلنا بنحبه جدًا بس يمكن هو مكنش عارفإحنا قد إيه بنحبه، ساعات ببقى عايز بس الوقت يرجع أقوله أنا بحبك، وبعدين يمشي لو عايز”.
وتابعت: “المتوفي ممكن يكون في حتة أحسن ومرتاح، بس بيوجع اللي حواليه هما اللي عايشين ده، بس هما أكيد مرتاحين، دايمًا بقول لأي حد أعرفه فقد حد عزيز منه،حطوا في دماغكم إن الشخص ده سافر”.
وأكملت: “بخاف من الوحدة والموت، الوحدة أكتر إحساس بيخوفني ومش بحبه، مش عايزة لما أكبر أعيش لوحدي، أكيد هيبقى نفسي في حد ياخد باله مني، لما بشوفحد كبير في السن لوحده مبتمناش أبقى كده، ومفيش حد يتمنى يكون كده”.