وجهت الفنانة السورية أصالة نصري، رسالة دعم لزميلتها الفنانة المصرية شيرين عبد الوهاب، بعدما نشرنا في الجرس تسجيلات صوتية لوالد حسام_حبيب زوج شيرين يعلن فيها عن نية ابنه الزواج مرة ثانية من أجل الانجاب وسيطرته على جميع حساباتها البنكية.
قالت أصالة في رسالتها: (شيري الحبيبة .. مرّات بيكونوا القراب مصدر ألمّ بسّ المحبّه الّلي بتغمرنا بتشيل الوجع وبتبرّره، صعبة نوقف بوشّ الوجع وصعب نشوف الصوره معكوسة).
تابعت: (نحنا مابنردّ الإساءه بالأخرى ولا الأذى بمتله.. ولا الشرّ الكبير بمرادف أكبر .. بنتأمّل المصدر بنتعلمّ من الطعنه .. بنجمّد الدمع بالحناجر.. وبنردّ بما نحن عليه اليوم .. أنتي شيرين واسمك بيكفي).
كنا انفردنا في الجرس بنشر تسجيلات صوتية لوالد زوج شيرين، يكشف فيها عن مخطط ابنه للزواج على شيرين وسرقتها، وتضامن الآلاف من عشاق النجمة المصرية معها تحت هاشتاج (كلنا شيرين) مطالبين إياها بإتخاذ قرار مصيري هام ينهي كلّ هذه المؤامرات التي تُحاك ضدها.
إقرأ: فضيحة جديدة لوالد حسام حبيب بعد التسجيل الصوتي – فيديو صورة
شيرين ردت وسددت ضربةً قوية لحماها، وتعمدت تجاهله وعدم ذكر اسمه نهائيًا، ما يعني إنها تؤكد على صحة التسجيلات التي نشرناها وتلمح إلى مقاطعتها لحماها.
قالت حرفياً في التسجيل الصوتي لها:
(عايزة أطمن كل الناس اللي بتحبني، أنا بخير، ومفيش أي نوع من الخطر عليا ولا على حياتي.. حسام جوزي إنسان من أنضف رجالة الدنيا، وإنسان محترم ومتربي وبيحبني أكتر من نفسه، وميستاهلش كم القسوة ده منكم).
تابعت: (حسام حبيب ربنا حطه في طريقي في وقت أنا كنت فيه متكسرة ومتدمرة، هو بنالي شخصيتي وخلاني بقيت بعرف أتكلم ورجعلي لنفسي تاني الثقة.. حسام ربنا هو اللي بعتهولي، وربنا مش هيعملي حاجة وحشة، وحسام بيحبني أكتر من نفسه أنا وبناتي).
أضافت: (حسام حبيب من ساعة ما اتجوزني مستفدش بأي حاجة، ومعملش لنفسه أي حاجة.. حسام عايش معايا بس عشان يخاف عليّا وعلى عيالي من كل شيء).
استكملت: (مفيش أي حاجة من اللي اتقال ده خالص، حسام إنسان نقي ونضيف وربنا هو اللي بعتهولي.. في حاجات كتير أوي بس مش المفروض أرد عليها، ولكن حماتي اللي ربت راجل أخلاقه كده لازم تكون ست عظيمة، حسام راجل عظيم وأمه ست عظيمة، وبتمنى منكم تدعولنا بالذرية الصالحة).
واصلت: (مفيش أي توكيلات باسم حسام حبيب، والفيز بتاعتي مش معاه، وكل الكلام ده مش مظبوط، لأن أنا كلي كده بتاعته، فـ فيز إيه وتوكيلات إيه.. أنا جوزي راجل متأصل وابن ناس ومن عيلة محترمة أوي أوي، ومقبلش أن حد يتكلم عنه كده لا هو ولا أمه).
استطردت: (حسام حبيب راجل مفيش منه خلاص، والناس اللي زيّه مبقوش موجودين.. وبالعقل كده، إحنا بقالنا 4 سنين متجوزين، لو كان فعلا راجل عايز يستفيد مني كان عمل حتى غنوة سينجل لنفسه، الناس لازم يبقى عندها عقل وتشوف).
أوضحت: (حسام حبيب راجل صايني وصاين عيالي، وكل الناس بتتخانق وتختلف، لكن هو بيحبني أكتر من نفسه.. أنا ربنا مديني قلب، وحاسة أنه بيحبني، وحاسة معاه بالأمان).
اختتمت: (حسام حبيب مضرنيش، حسام بالعكس فادني، وكفاية أنه طلع من حياتي كل الناس اللي كانت بتستغلني بجد.. حسام طلع كل الثعابين اللي كانت في حياتي وبتستغلني والحاجات الفاسدة).