عبّر أحمد الزين أهم ممثل لبناني وواحد من أهم المثقفين النخبويين عن حزنه الشديد بما يحصل في لبنان من وضع اقتصادي صعب، وتدهور لليرة اللبنانية في طل طبقة سياسة نهبت البلد.
وجهة رسالته للمسؤولبن في الدولة اللبنانية التي تشهد انهيارًا كبيرًا: (الله معكم يا أشراف البلد.. ما تفاجأت من ٤٤ سنة عملت شي بالسينما فيلم حطوه هيديك المرة على أخبار الجديد أنا عامل مظاهرات ونازل على الدقاع المدني والحراك والدنيا قايمة قاعدة وأبو عبد البيروتي الله يرحمه عم يحكي عن أزمة البنزين والطحين.. ولهلأ شو اتغير وينكن يا ولاد البلد يالي قلتو بدكم تعملو من البلد بلد.. ولك وينكم”
وتابع: (بدنا بس واحد يكون رضعان من حليب امه يحجز اوتيل فينيسيا او اوتيل ٣ نجوم ويحطكن كلكم بربعكم ما بيعود في دين على لبنان وبترجع كرامة الشعب اللبناني.. أنا عشت ٣ عصور بما فيهم لما كانت الطبقة الوسطى كامشي البلد ما كنا نعرف هيدا شيعي وهيدا سني وهيدا مسيحي وهيدا درزي ما كنا نتعاطى بهيك قصص ما تربينا هيك.. انا معكم.. معكم ومع صريخكم ووجعكم بيكفّي هالقد.. منعرف قصوركم خارج لبنان وقديه بتكلف أعراسكم وقديه بتكلف اعيادكم برّا.. وولاد البلد هون ما معكم ياكلوا)
وختم أحمد الزين قائلًا: (حسّوا على دمكم عفوًا اذا بعد في عندكم دم اتقوا الله والشعب لو شو ما عمل مش قليل لازم يعملوا اكتر.. خلصوا من هيدا النظام والفاسدين.. والناس يا حبيبي على الناس ربطة الخبز أسرع من دولاب السيارة.. اشتقنا لجمهور المسرح بس ما بقى معهم مصاري ليحضروا. في ٣ مسارح بلبنان المقابر، السجون والمستشفيات.. اتقوا الله وانتو معكم خط عسكري على جهنم)