أعلنت المذيعة سالي عبد السلام، عودة المرض المناعي لها من جديد، الذي يصيب شعرها بالتساقط ويُضعف مناعتها ويجعلها عرضه لعدة أمراض.
لم تفصح عبد السلام عن اسم المرض بشكل واضح، لكنها نشرت صورتها بشعرها الطول الذي تميزت به، وقالت: (تأكدنا والتحاليل كمان وتانى مالهاش سبب..كلها بسبب الضغط النفسي والزعل جسمك ومناعتك تهاجم الشعر وبدأت تكتر لأنها نشطة الحمدلله..سبحانك).
تابعت تحكي قصتها مع المرض الذي يهاجمها للمرة الثالثة: (مش زعلانة، هنبدأ تالت وجرعات تالت وكورتيزون اقراص وحقن وحقن فى الراس تانى ال٧٠ شكة كل اسبوع عداهم فى عضم راسى ..عداهم، ربى يعلم بوجع والم الكورتيزون فى الراس بالذات، بيحرق وتقيل زى الزيت عشان يدخل الراس وصداعه ربنا يعفو عنا منه ،امى يا حبيبتى راحت معايا مرة من منظرى مستحملتش تيجى تانى،بقيت اروح لوحدى سبحانك والله…غير اضراره الجانبية اللى كنت لسه مخفيتش منها من كام شهر وقفنا بنتعالج من اضراره الجانبية وقلنا الحمدلله خلاص خلصنا …بس ابتلاء حب بيختبرك …والله رضا يا الله ).
اختتمت كلامها برسالة لجمهورها قالت فيها: (دعواتكم هونت كتيير نزلت سكينة ورضا وصبر ومعيطش المرة دى عشان دعيتولى والله ..هو ايه الحب الحلو ده! ويهزروا ويقولولى عملتى العمل فين عشان الناس تحبك كدة، مغرورة بحبكم!! والله الحاجة الوحيدة اللى بتباهى بيها واتغر واتبسط واقف اشكر ربى واقول اللهم ديمها نعمة من قلبى يا رب هون..يا رب سلم اللهم اشفى مرضانا يا رب لا تبتلينى فى صبرى ..اللهم اعفو عنا يا رب).
