رد الفنان المصري تامر_حسني، على دفاع المذيعة المصرية ياسمين عز، عنه واشادتها به، بعد الهجوم الشديد الذي تعرض له عبر مواقت التواصل الاجتماعي بسبب فيلمه الأخير “تاج”، واتهامه بتزوير أرقام ايراداته وعدم تحقيق الفيلم للنجاح المطلوب.
ياسمين قالت أنّ تامر حسني يغني منذ 700 عام، فضلًا عن أنّه يضع الألحان لأغنياته وهو نائم، أو يتناول السلطة.
إقرأ: حزب الله ٧ أيار كل يوم ومريم البسام ضحية اليوم!
وقالت: “ليه ما بتصقفش للنجم المصري ابن بلدك، بقالك 600 و700 سنة معندكش فنان شامل من أيام عبدالحليم حافظ جالك تامر حسني فنان شامل: يغنّي، ويمثل، ويلحن، ويُؤلّف، ويُخرج”.
أما تامر فرد عليها قائلاً:
(فيلم تم بيعه بـ نجم شباك 1 مش تجميعة نجوم، ودي حاجة تحسب للفيلم، وبعملها كل سنة الحمدلله، والفيلم تم توزيعه النهاردة عالميًا، وأكيد دي حاجات بتزعل بعض ضعاف النفوس).
تابع: (زمن غريب والله بنلوم المجتهد اللي بيألف وبيخرج وسايبين الكسلان وضعاف النفوس، يكفيني شرفًا أني صاحب أعلى إيرادات في تاريخ السينما العربية دولياً إنتاج مصري وهو فيلم “بحبك” من إخراج تامر حسني، تفتكري دي واقعها على الودن عادي؟).
واستكمل حديثه: (هي حاجة مؤلمة لغير الأسوياء، وجميلة للعقلاء اللي بيتمنوا الخير لابن بلدهم اللي حاجة زي كدة بتشجعهم إن مفيش مستحيل ولا يمكن نبقى حافظين مش فاهمين).
وأضاف: (أحب أطمنك يا ياسمين إنه لا يصح إلا الصحيح، وخلي بالك الجمهور ذكي جدًا، ويمكن بسبب الحملات الساذجة دي الجمهور زاد طلبه على الفيلم لأن الحملات زادت فضول الناس إنها تروح الفيلم عشان تحكم بنفسها، ولما راحوا عجبهم الفيلم بدليل إيراداته الضخمة).
وتابع: (لو جبت أهم شركات في العالم عشان يقدموا فكرة بالذكاء ده عشان أعمل دعاية لفيلمي مكانوش هيوصلوا لربع المفعول الإيجابي اللي عملوه الحملات واللجان المأجورة في إثارة فضول الناس إنها تروح تشوف الفيلم والله مفعولهم مردودة أقوى من الدعاية اللي بندفع فيها فلوس، بالمرة نشيل من على شركة الإنتاج باند الدعاية عشان مكلف أوي بصراحة، ونسيبه على المتغاظين هما يدفعوه ربنا ما يقطعلهم عادة).
واختتم حديثه: (أحب افرحك أكتر يا ياسمين فيلمي اللي جاي تصويري كمان، شكرًا لدفاعك عن الحق يا أحلى ياسمين).
الملفت أن تامر ادعى أن فيلمه الأخير (تاج) بطولة مطلقة له، رغم مشاركة الفنانة دينا_الشربيني كبطلة أمامه.
ودينا نجمة شباك، وبطلة مسلسلات واسمها وحده يضيف لأي عمل تشارك به، إذا فكيف هو نجم الشباك وحده؟
كما أن رسالة تامر المطولة يتعالى بها على زملائه المنافسين له بل ومنهم كريم_عبد_العزيز الذي تفوق على تامر في الإيرادات بفيلمه (بيت الروبي)، ليعتبر تامر برسالته الغريبة أنه نجم شباك وكريم لا!