وجه الفنان المصري رامي صبري، رسالة إلى نقيب الموسيقيين الفنان هاني شاكر، رفض فيها قراره بمنع مطربي المهرجانات من الغناء وناشده بالرجوع عن قراره.
كتب رامي عبر السوشيال ميديا: (استاذ هاني شاكر الفنان الكبير القدوه ونقيبنا الغالي، معلش حاول تقعد مع كل شباب المهرجانات دي في اجتماع كبير وتحطلهم قواعد في طريقه كلام الاغاني يمشو عليها وتبقي مكتوبه ومضيين عليها والاعلام كلو يبقي شاهد عليها . بس بلاش تمنعهم عشان رزقهم واهلهم وكمان عشان في جمهور كبير متابعهم . وانا عارف انك انسان طيب وفنان كبير وقدوه لينا كلنا طبعا وعايز تحافظ علي الفن في مصر واحنا كلنا عايزين كده . بس بلاش تقطعلهم رزقهم وحيات الغاليه وربنا يكرمك دايما علي فعل الخير يا حبيبي رامي صبري).
الغريب أن رامي يناقض نفسه الآن، بعدما كان أول من هاجم أغاني المهرجانات، حين قال: (هي الناس مابقتش تسمع كويس لية هو الجمهور اتغير لدرجة ان شغل المهرجانات بقى بيستمع اكتر من الاغاني هو اية اللي حصل؟ يعني ياريت الجمهور يقدر المجهود والشغل المحترم اللي احنا بنعمله ماينفعش التريند يبقى مهرجانات عيب).
اقرأ: هاني شاكر يمنع مطربي المهرجانات
كان نقيب المهن الموسيقية الفنان المصري هاني شاكر، أصدر قراراً بمنع التعامل نهائياً مع مطربي أغاني المهرجانات الشعبية في مصر.
جاء في البيان التحذيري: (على جميع المنشآت السياحية والبواخر النيلية والملاهي الليلية والكافيهات عدم التعامل مع من يطلق عليهم مطربي المهرجانات، ومن يخالف ذلك القرار ستقوم النقابة باتخاذ كافة الإجراءات القانونية ضده وضد المنشأة التي سمحت لهم بالغناء).
